VOV4.Bahnar – Tơ̆ Hà Nội, Anih jang Linh Trung ương, lơ̆m Anih tơm vei lăng Khul linh hlôi pơgơ̆r Hop akŏm tôm Anih jang Linh 6 khei blŭng xơnăm 2021. Bơngai jang lơ̆m Anih tơm Chĭnh trĭ, Thủ tướng teh đak bơ̆n Phạm Minh Chính vang năm hop akŏm, Thượng tướng Phan Văn Giang – jang lơ̆m Anih tơm Chĭnh trĭ, Phŏ Ƀĭ thư Anih linh Trung ương, Ƀô̆ trưởng Anih tơm Linh pơgơ̆r hop akŏm. Pơma ăh hop akŏm, Thủ tướng teh đak bơ̆n Phạm Minh Chính bơnê kơ rim bơngai năm hop akŏm hlôi pơma đam rơngei, ƀenh kơ xơnong jang, tơgop lơ nơ̆r kăp gĭt, vă hơmet pơkeh tơdrong vă jang truh âu kơnh. Hop akŏm hlôi tơlĕch dôm xơnong jang ăn 6 khei jê̆ đĭ xơnăm 2021. Kiơ̆ kơ noh, jâ̆p anih jang linh pơtoi tơlĕch lang xă pơm kiơ̆ Tơchơ̆t Hop akŏm mă 13 kơ Đảng, Tơchơ̆t Hop akŏm Đảng ƀô̆ Khul Linh 'măng mă 11 păng dôm xơnong jang tơm đơ̆ng xơnăm 2021 - 2026. Anih jang Linh Trung ương, lơ̆m Anih tơm vei lăng Khul Linh hlôi xơkơ̆t minh ƀar trong jang, xơnong jang tơm lơ̆m khei năr truh, lơ̆m noh đei tơdrong hơbĕch hơbal, hơlen băt hrôih, xơkơ̆t trŏ tơdrong đei ƀôh, tơtom tơgŭm ăn kơ Đảng, Teh đak xek tơlang keh đang dôm tơdrong đei ƀôh; pơtoi pơm kiơ̆ dôm tơdrong tơchơ̆t, pơkăp pơm jang kiơ̆ ƀlep khôi luơ̆t pơkăp găh linh, vei xơđơ̆ng tơpôl.

Lan chih păng pơre nơ̆r