VOV4.Bahnar - Kŭm lơ̆m kơ sơ̆ ‘năr 26/10, Thủ tướng teh đak Phạm Minh Chính vang akŏm păng pơ ma tơ̆ hop akŏm tih ASEAN - Trung Quốc ‘măng mă 24. Pơ ma tơ̆ Hop akŏm, Thủ tướng teh đak Phạm Minh Chính pơ ma hơ dăh, lơ̆m 30 sơ năm pơ vei tơ bôl, 25 sơ năm jang hơ dai pơ ma dơ nuh, 18 sơ năm jang hơ dai, ASEAN păng Trung Quốc hlôi pơm tơ iung đei tơ drong jang hơ dai tôm tơ drong, lơ păng tơ pă lơ̆m rim tơ drong jang. Đei đăi tơ drong ‘nâu ‘noh gơ nang đơ̆ng tơ drong hơ drin păng pơ kăp pran kơ tang đơ̆ng 2 păh vang hơ dai băl hơ tŏk ‘lơ̆ng tơ drong pơ vei kiơ̆ lơ̆m lui ngeh, hlôh băt păng pơ yom dih băl, jang hơ dai vang đei yua. Thủ tướng hôn bơ nê păng ‘mĕh vă Trung Quốc, hăm tơ mam ‘lơ̆ng păng bưng ai đơ̆ng kơ dih, hơ nơ̆ng jang hơ dai lơ̆m tơ ring păng apŭng plĕnh teh lơ̆m vei lăng jĭ hơ buh, pơ vei cham char rơ ngei, sơ đơ̆ng, pơ trŭt tơ iung ming păng hơ tŏk tơ iung kơ jăp.

Thuem: Tơ blơ̆