VOV4.Bahnar - Pơ gê ‘năr 8/1, lăp đơ̆ng rŏng kơ lêh sơng păng pơ ma đam, Thủ tướng teh đak Phạm Minh Chính păng Thủ tướng teh đak Cộng hòa Dân chủ Nhân dân Lào Phankham Viphavanh hlôi pơ gơ̆r hop akŏm tơ roi tơ băt găh pơ tôch pơ ma đam păng tơ lĕch jang Sơ năm tơ goăt tơ goăl tơ bôl Việt Nam-Lào, Lào-Việt Nam 2022.

Pơ ma tơ̆ hop akŏm tơ roi tơ băt atŭm, 2 Thủ tướng hlôi tơ roi dơ̆ng dôm jơ nei gĭt kăl tơ̆ ‘măng pơ ma đam, 2 kơ dră chĕp kơ̆l tơ băt tơ drong pơ vei tơ bôl ‘lơ̆ng hơ iă, tơ drong tơ goăt tơ goăl gĭt kăl păng jang hơ dai tôm tong đơ̆ng 2 Đảng, 2 teh đak păng kon pơ lei 2 teh đak lơ̆m khei ‘năr âu ki ưh kơ đei pơ dơh đei hơ met ming păng hơ tŏk ‘lơ̆ng.

Lêh tơ lĕch jang “Sơ năm tơ goăt tơ goăl tơ bôl Việt - Lào”

Thủ tướng 2 teh đak gô hơ nơ̆ng athei rim anih tơm, anih jang, tơ ring 2 păh tơ tĕnh dăr hơ len, hơ met pơ ‘lơ̆ng mơ mat tat, tơ lĕch rim trong jang tơ gŭm hơ drol ăn băl, pơm tơ drong hiôk tŭn pran jang hơ dai mơ dro sa păng tơ mơ̆t jên jang, vei sơ đơ̆ng ‘lơ̆ng đơ̆ng rim tơ drong jang hơ dai tơm đơ̆ng 2 teh đak.

Thuem: Tơ blơ̆