VOV4.Bahnar - Pơ gê (22/4), Ban Tuyên giáo Trung ương bơ̆ jang hăm Anih jang đảng dêh char Quảng Bình găh trong pơ gơ̆r dôm tơ drong jang tơ băt 110 sơ năm Năr rơ nĕh Đại tướng Võ Nguyên Giáp (25/8) tơ̆ Quảng Bình. Kiơ̆ kơ ‘nŏh dêh char Quảng Bình jang hơ doi hăm dôm anih jang kơ pal tơ̆ trung ương pơm lêh tơ băt 110 sơ năm Năr rơ nĕh Đại tướng Võ Nguyên Giáp; pơ gơ̆r Hop akŏm kơ tĕh đak tơ băt 110 sơ năm Năr rơ nĕh Đại tướng Võ Nguyên Giáp. 

Ƀok Vũ Đại Thắng, Bí thư đảng dêh char Quảng Bình ăn tơ băt, tơ băt 110 sơ năm Năr rơ nĕh Đại tướng Võ Nguyên Giáp 'nŏh jĭ jơ năr vă pôk pơ ư, bơ nê kŏng tih tên đơ̆ng Đại tướng hăm tơ drong tơ blăh iŏk rơ ngei hơ drĕch hơ drung, pơ jing đei 1 tĕh đak kơ jăp 'lơ̆ng, pơ jing păng vei lăng tĕh đak; chĕp răk jơ hngâm đon 'mêm kơ eng, đon pơ ngơ̆t tôch ai đơ̆ng Đại tướng hăm kon pơ lei lơ̆m tĕh đak pơ ma atŭm păng kon pơ lei dêh char Quảng Bình pơ ma adrô̆.

Dơ̆ng: Tơ blơ̆