VOV4.Bahnar - 76 tơ drong jang hơ gei hlôi đei pôk hơ năn lơ̆m Hla ar măih, pơ cheh hơ gei kơ Việt Nam sơ năm 2021. Lêh tơ băt hơ dăh pơ gơ̆r kơ sơ̆ ‘năr 25/11, tơ̆ Hà Nội, yua đơ̆ng Anih jang Trung ương Mặt trận Tổ quốc Việt Nam jang hơ dai hăm Anih tơm Khoa hŏk păng Kơ măy kơ mŏk păng Jơ nŭm rim Khŭl jang Khoa hŏk păng Ki thuơ̆t Việt Nam pơ gơ̆r. 76 tơ drong jang hơ gei pôk hơ năn lơ̆m hla ar măih, pơ cheh hơ gei Việt Nam sơ năm ‘nâu đei rơ̆ih iŏk đơ̆ng 151 tơ drong jang hơ gei khoa hŏk - kơ măy kơ mŏk yua đơ̆ng rim anih tơm, anih jang, dêh char, pơ lei tơm roi tơ ƀôh. Kăl kơ lăng truh ‘noh jĭ Hla ar măih, pơ cheh hơ gei Việt Nam sơ năm 2021 hlôi pôk hơ năn 06 tơ drong jang khoa hŏk hơ gei găh tơ drong jang tơ pôl - băt ‘mêm. Mă loi ‘noh, lơ̆m kơ sô̆ rim tơ drong jang đei pôk hơ năn đei dôm tơ drong pơ cheh hơ gei đei đơ̆ng dôm bơ ngai kơ tă bơ̆ jang pơm tơ lĕch vă pơ trŭt hơ tŏk iŏk yua, ‘lơ̆ng, đei yua, tơ gop hơ tŏk tơ iung mŭk drăm - tơ pôl, vei sơ đơ̆ng khŭl linh, vei lăng cham char bri brăh.

Thuem: Tơ blơ̆