VOV4.Bahnar - ‘Năr 6/4, Anih tơm vei lăng khŭl linh pơ gơ̆r Hop akŏm trực tuyến ‘Măng hop akŏm 14 Grŭp joăt jang vei lăng sơ đơ̆ng jăl 4, jăl jang 2021 - 2023 lơ̆m tơ drong Hop akŏm Kơ dră tơm vei lăng Khŭl linh ASEAN pơ̆ih să.. Đại tá Mạc Đức Trọng, kơ dră grŭp joăt jang vei lăng sơ đơ̆ng Việt Nam păng yă Matsuzawa Tomoko, Kơ dră grŭp joăt jang vei lăng tơ drong sơ đơ̆ng Nhật Bản, vang pơ gơ̆r Hop akŏm. Hop akŏm hơ nơ̆ng tơ ƀôh hơ dăh anih jang, bưng ai, hơ năp jang, vang tơ gop đơ̆ng Việt Nam lơ̆m rim trong jang hơ dai lơ pang găh vei lăng tơ drong sơ đơ̆ng Liên hợp quốc lơ̆m tơ ring. ‘Nâu kŭm jing tơ drong hiôk hơ tŏk loi dơ̆ng tơ roi băl tơ drong joăt jang, vang tơ gŭm băl tơ drong hlôh vao đơ̆ng rim teh đak jang lơ̆m khŭl păng Liên hợp quốc vă pơ trŭt tơ drong vang jang đơ̆ng drŏ kăn lơ̆m rim tơ drong jang găh vei lăng tơ drong sơ đơ̆ng. Đại tá Mạc Đức Trọng tơ băt: Hop akŏm Kơ dră tơm vei lăng Khŭl linh ASEAN pơ̆ih să hlôi vang tơ gop tôch kơ lơ lơ̆m tơ drong hơ tŏk loi dơ̆ng tơ drong sơ đơ̆ng, khŭl linh, yua kơ tơ drong rơ ngei, sơ đơ̆ng, hơ tŏk tơ iung tơ̆ tơ ring păng lơ̆m apŭng plĕnh teh.

Thuem: Tơ blơ̆