VOV4.Bahnar -Sơ năm 2022, hơ dai hăm đei ƀơm tơ plih kơ jă tơ mam drăm lơ̆m anih tĕch mơ dro apŭng plĕnh teh, kơ hret hơ tŏk kơ jă lơ̆m teh đak oei truh đơ̆ng trong tơ lĕch jang hơ met ming kơ jă 1,2 pơ vih pơ văn kơ teh đak kiơ̆ trong tĕch mơ dro, 1,2 tơ mam drăm đei jên tơ mơ̆t blŭng tŏk, tơ plih đơ̆ng kơ jă đak dâu lơ̆m anih tĕch mơ dro... tơ drong tơ roi kăl kơ lăng truh tơ̆ Hop akŏm đei ƀôh tơ plih tĕch mơ dro, kơ jă tơ̆ Việt Nam sơ năm 2021 păng tơ dra hơ drol 2022.  Sơ năm 2022, mŭk drăm Việt Nam đei tơ dra hơ drol gô tơ iung ming dơ̆ng păng hơ tŏk tơ iung pran, tơ drong tŏk đơ̆ng hơ tŏk kơ jă lơ sơ năm 2022 ưh kơ gan tơ tăm. Kiơ̆ kơ ‘noh, tơ drong jang mă mônh, sơ năm 2022, mŭk drăm apŭng plĕnh teh tơ dra hơ drol tŏk hiơ̆, mŭk drăm Việt Nam đơ̆ng bơ̆n tŏk kŭm hiơ̆, dang 6 truh 6,5% ‘noh hơ tŏk kơ jă lơ dang 2,8 truh 3,2%. Tơ dăh nhen tơ drong jang ‘noh mŭk drăm apŭng plĕnh teh mă pơm lăp ‘lơ̆ng ƀiơ̆, tŏk ‘lơ̆ng ‘noh ƀơ̆t doh mŭk drăm Việt Nam gô tŏk ‘lơ̆ng păng tơ dăh nhen bơ̆n oei hơ nơ̆ng tơ gĕch yua đei tơ drong hiôk đơ̆ng rim tơ chơ̆t mơ dro sa hiôk hian ‘noh bơ̆n gô kĕ tŏk dang 7 truh 7,5% lơ̆m sơ năm 2022 păng lơ̆m tơ drong ‘noh kơ sô̆ hơ tŏk kơ jă lơ gô đơ̆ng 3,5 truh 3,8%.

Thuem: Tơ blơ̆