VOV4.Bahnar - Đunh kơ âu 75 sơ năm, đơ\ng ro\ng jơ nei đơ\ng kach mang khei 8, ‘năr 2 khei 9 sơ năm 1945, tang măt Khu\l kơ dră te\h đak kơ plăh do\h sơ\, Kơ dră Hồ Chí Minh hlôi đo\k hla ar tơ chơ\t rơ ngei hiôk hian tơ\ hơ năp đ^ đăng kon pơ lei, pơ jing đei te\h đak Việt Nam dân chủ Cộng hòa. Lơ\m hla ar tơ chơ\t g^t kăl âu, kơ dră Hồ Chí Minh ư\h khan lăp sơ kơ\t hơ dăh tơ drong pơm tơm kơ d^h kơ kon bơ ngai, tơ drong pơm tơm kơ d^h kơ hơ dre\ch hơ dru\ng rơ ngei hiôk hian mă oei mong răk đei dôm tơ drong kăp g^t chăl hle t^h tên đei lăng ‘no\h j^ hla ar tơ chơ\t tơ drong pơm tơm kơ kon bơ ngai đơ\ng rim hơ dre\ch hơ dru\ng lơ\m apu\ng ple\nh te\h.

Hnam kơ so# 48 phố Hàng Ngang, Hà Nội ‘no\h j^ an^h {ok Hồ ch^h Hla ar tơ chơ\t Rơ ngei hiôk hian lơ\m ‘năr 28 khei 8 sơ năm 1945. Lăp hăm 1 rơ bâu chư, mă lei ‘nâu j^ 1 hla ar kăl kơ jơ hnơr ar^h, hla ar tro\ luơ\t kơ đe\h, kơ tang, đei tơ drong ‘lơ\ng kơ jăp, ư\h khan lăp sơ kơ\t tơ drong pơm tơm te\h đak mă oei pơ\ih đei 1 chăl ‘nao kơ hơ dre\ch hơ dru\ng.

Lơ\m dôm hang blu\ng a, Kơ dră Hồ Chí Minh ch^h tơ roi dơ\ng dôm hla ar Tơ chơ\t rơ ngei hiôk hian đơ\ng Hoa Kỳ păng Tơ drong tơ chơ\t găh tơ drong pơm tơm kơ d^h kơ kon pơ lei păng kon pơ lei pơm tơm đơ\ng Phalăng sơ kơ\t hơ dăh: "Đ^ đăng rim ‘nu bơ ngai adoi rơ ne\h đei tơ drong pơm tơm hơ to\ hơ nơ\ng”. Kơ dră Hồ Chí Minh hlôi lăng kiơ\ lơ\m no\h, mă lei tơ che\ng să đei tơ drong pơm tơm kơ d^h kơ kon bơ ngai tơ klep hăm tơ drong pơm tơm kơ d^h đơ\ng hơ dre\ch hơ dru\ng, tơ drong gơ\h jang kơ d^h đơ\ng hơ dre\ch hơ dru\ng, tơ drong pơm tơm rơ ngei hiôk hian đơ\ng hơ dre\ch hơ dru\ng Việt Nam. Pho\ Giáo sư, Tiến sỹ Bùi Đình Phong, Bơ ngai pơ tho ho\k jru\ Học viện Chính trị Quốc gia Hồ Chí Minh tơ blang hơ dăh:

“Kơ dră Hồ Chí Minh hlôi tơ klep hơ dai 2 kơ loăi tơ drong pơm kơ d^h tôch kơ hơ đăl, ‘no\h j^ tơ drong pơm tơm kơ d^h rơ ngei hiôk hian đơ\ng hơ dre\ch hơ dru\ng păng tơ drong pơm tơm kơ d^h đơ\ng kon bơ ngai vă jing 1 tơ drong pơm tơm ‘lơ\ng kơ hơ dre\ch hơ dru\ng. Tơ drong tơm lơ\m tơ drong gơ\h jang hơ dre\ch hơ dru\ng ‘no\h j^ rơ ngei pơm tơm kơ d^h, drơ\ng 1 nơ\r păng vei lăng sơ đơ\ng hơ găt te\h. Tơ drong tơ roi ‘no\h {ok Hồ pơ ma đơ\ng sơ năm 1945 mă lei tru\h 15 sơ năm đơ\ng ro\ng, Liên Hợp Quốc mă ‘nao tơ le\ch đei m^nh tơ drong tơ chơ\t găh pơ dreo tơ drong rơ ngei hiôk hian ăn kơ rim hơ dre\ch hơ dru\ng. Tru\h khei 12 sơ năm 1970 ‘no\h Liên hiệp Quốc đei dơ\ng m^nh tơ drong tơ chơ\t vă sơ kơ\t hơ dăh ‘no\h j^ athei pơm kiơ\ tơ drong pơm tơm ‘no\h”.

Kơ dră Hồ Chí Minh đo\k hla ar tơ chơ\t rơ ngei hiôk hian

Kiơ\ kơ [ok Kơ dră Hồ Chí Minh, tơ drong pơm tơm kơ d^h kơ kon bơ ngai păng tơ drong pơm tơm kơ d^h kơ hơ dre\ch hơ dru\ng đei [ơm ‘lơ\ng d^h băl. Hơ dre\ch hơ dru\ng rơ ngei hiôk hian ‘no\h j^ tơ drong ‘lơ\ng kơ tang vă vei lăng sơ đơ\ng pơm kiơ\ tơ drong pơm tơm kơ d^h kơ kon bơ ngai păng tơ plơ\ dơ\ng pơm kiơ\ ‘lơ\ng tơ drong pơm tơm kơ d^h kơ kon bơ ngai ‘no\h j^ hơ to\k dôm kơ jă kăp g^t păng tơ drong ‘lơ\ng tơ pă đơ\ng rơ ngei hiôk hian hơ dre\ch hơ dru\ng. Lơ\m [ai ch^h tơ\ ro\ng đơ\ng Hla ar tơ chơ\t rơ ngei hiôk hian, Kơ dră Hồ Chí Minh hlôi tơ [o#h hơ dăh tơ drong pơm tơm kơ d^h kơ hơ dre\ch hơ dru\ng hơ to\ hơ nơ\ng mă rim ‘nu kon pơ lei Việt Nam đei gơ\h yua nhen 1 tơ drong tơ pă hiôk đe\ch. Giáo sư, Tiến sỹ Tạ Ngọc Tấn, Pho\ Kơ dră Jơ nu\m Lý luận Trung ương akhan:

“Tơ drong gơ\h ar^h lơ\m rơ ngei ‘no\h j^ hơ drin tơ pl^h hăm pham le\ch se\ch huo\ng, đon hơ gei đơ\ng đ^ đăng jơ hnơr me\ [a\ yă [ok. {ơ\t đei rơ ngei hiôk hian ‘no\h [ok Hồ pơ ma: “Mư\h te\h đak đei rơ ngei hiôk hian mă kon pơ lei ư\h kơ đei hơ nu\k hơ noa ‘no\h rơ ngei hiôk hian ‘no\h ư\h kơ đei vă pơm kiơ”. Vă jang kiơ\ tơ drong {ok Hồ ‘me\h vă, ‘no\h j^ tơ drong hơ drin ư\h kơ gle\h hrat, kơ tang đơ\ng Đảng, đơ\ng hơ dre\ch hơ dru\ng”.

Hnam kơ so# 48 phố Hàng Ngang, Hà Nội

Ako\m đ^ đơ\ng jơ hngơ\m đon păng hơ pơi ‘me\h rơ ngei hiôk hian, hơ drin iung tơ blăh ăn rơ ngei hiôk hian đơ\ng kon pơ lei Việt Nam, Tơ drong tơ chơ\t rơ nei hiôk hian hlôi sơ kơ\t hơ dăh tơ drong pơm tơm g^t kăl đơ\ng hơ dre\ch hơ dru\ng Việt Nam, jơ hngơ\m hơ drin kơ tang ư\h kơ đei kiơ ke\ r^ đơ\ng kon pơ lei Việt Nam. Tiến sỹ Phạm Thị Thu Hương, sơ\ pơm Pho\ kơ dră vei lăng An^h ‘măn răk tơ mam drăm so Hồ Chí Minh pơ ma hơ dăh:

“Kơ dră Hồ Chí Minh pơ ma akhan: "rim ‘nu kon pơ lei adoi đei gơ\h ar^h, adoi đei gơ\h hiôk hian, gơ\h ‘me\h đei hơ nu\k hơ noa”. ‘No\h ku\m jing tơ drong tơm lăng tru\h đơ\ng đ^ đăng rim te\h đak lơ\m apu\ng ple\nh te\h mă ư\h kơ s^ lăp hơ dro# Việt Nam đe\ch o#h. Hơ dai hăm tơ drong pơm tơm kơ d^h kơ kon bơ ngai păng vă io\k đei tơ drong pơm tơm kơ d^h kơ kon bơ ngai ăn kơ kon pơ lei ‘no\h Te\h đak, Khu\l kơ dră te\h đak ku\m athei đei dôm tơ drong jang lei lăi thoi no\h. ‘No\h j^ tơ drong pơ jing 1 Te\h đak che\\p kơ\l kiơ\ khôi luơ\t xã hội chủ nghĩa đơ\ng kon pơ lei, yua đơ\ng kon pơ lei păng yua kơ kon pơ lei. ‘No\h ku\m jing đon tơ che\ng mă Te\h đak bơ\n to\k bo\k lăng tru\h”.

75 sơ năm đơ\ng ro\ng năr Kơ dră Hồ Chí Minh đo\k hla ar tơ chơ\t rơ ngei hiôk hian, mă loi ‘no\h j^ đơ\ng ro\ng vă je# 35 sơ năm te\h đak tơ pl^h ‘nao, rim ‘nu kon pơ lei Việt Nam roi hlo#h hơ dăh hlo\h kơ jă kăp g^t đơ\ng rơ ngei hiôk hian, tơ drong ‘lơ\ng t^h tên păng g^t kăl lơ\m đon tơ che\ng Hồ Chí Minh găh tơ drong pơm tơm kơ d^h kơ kon bơ ngai păng tơ drong pơm tơm kơ d^h kơ rim hơ dre\ch hơ dru\ng. ‘No\h ku\m jing tơ drong tơm mă rim hơ dre\ch hơ dru\ng, te\h đak lơ\m apu\ng ple\nh te\h adoi lăng tru\h.

Lại Hoa/VOV: Ch^h

Thuem: Tơ blơ\