VOV4.Bahnar - Kơ sơ̆ (15/06), lơ̆m Hop akŏm trư̆k tuyê̆n Kơ dră tơm vei lăng khul linh dôm tĕh đak ASEAN ‘măng mă 15 (ADMM-15) đei pơ gơ̆r hloi tơ drong tơ bâp đơ̆ng Kơ dră tơm vei lăng khul linh ASEAN - Trung Quốc. Kơ dră chĕp kơ̆l khul Việt Nam - Thượng tướng Phan Văn Giang, Kơ dră tơm vei lăng khul linh tĕh đak bơ̆n vang hop akŏm.

Thượng tướng Phan Văn Giang, Kơ dră tơm vei lăng khul linh tĕh đak bơ̆n

Pơ ma lơ̆m hop akŏm, Thượng tướng Phan Văn Giang tơ chĕng ‘lơ̆ng tơ drong jang đơ̆ng Trung Quốc păng tơ drong jang hơ doi găh khul linh vei lăng sơ đơ̆ng kơ plăh ASEAN-Trung Quốc khei ‘năr âu ki, mă loi lơ̆m hop akŏm Kơ dră tơm vei lăng khul linh ASEAN pơih xă (ADMM+) păng Hop akŏm tơ ring ASEAN.

Găh tơ drong tơ̆ đak dơ sĭ Biển đông, Kơ dră tơm vei lăng khul linh Phan Văn Giang athei dôm pang pơ jing tơ drong ‘lơ̆ng vă pơ ma đam găh tơ drong Hơ găt pơ ma xa, bơ̆ jang ‘lơ̆ng hơ iă tơ̆ biển Đông (COC), mă loi ‘nŏh drơ̆ng nơ̆r ăn dôm trong jang pơ jing đon lui, găn ƀiơ̆ dôm tơ drong jang pơm ưh ‘lơ̆ng tơ̆ tơ ring, sek tơ lang tơ drong tơ gar băl kiơ̆ trong rơ ngei, ‘moi kiơ̆ khôi luơ̆t apŭng plenh tĕh, lơ̆m nŏh đei tơ drong tơ chơ̆t Liên Hợp Quốc găh Luơ̆t đak dơ sĭ sơ năm 1982.

Dơ̆ng: Tơ blơ̆