VOV4.Bahnar – Đ^ 40 sơ năm bơih, mă lei hăm đe {ô đo#i Trường Sơn, tơ drong tơ blăh tih Hồ Chí Minh - io\k rơ ngei Sài Gòn, io\k rơ ngei tơ ring Pơ băh, pơ jing đei m^nh te\h đak kơ jăp ‘lơ\ng oei [lo\k hơ nơ\ng lơ\m jơ hngâm đon đe\ch. ‘No\h j^ [lo\k truh dôm năr tơ blăh kơ tang nuih mơng, g^r găr gre chơ [ô đo#i tơ blăh tơ drut lơ kơ đông ayăt, mă hơ tuch ‘no\h dru\t mât tơ\ Sài Gòn. ‘No\h j^ jơ hngâm pran đơ\ng tơ blăh jơ nei păng jơ hngâm đon chơt hơ iă ‘nă hal mưh jur jâng tơ\ Sài Gòn – Pơ lei tơm Hồ Chí Minh lăp đơ\ng ro\ng kơ pơ lei tơm io\k đei rơ ngei.

           Thiếu tướng Phan  Khắc Hy, sơ\ pơm Pho\ kơ dră An^h che\p kơ\l pơ gơ\r khul linh Trường Sơn sơ năm ‘nâu đ^ vă je# 90 sơ năm bơih, mă lei mưh pơ đou dơ\ng tơ drong tơ blăh Hồ Chí Minh, [ok oei [lo\k hơ dăh rim tơ drong, rim khul linh, muh măt [ok nhen roi hơ iă. {ok tơ roi, khei 2 sơ năm 1975, lơ khul đơ\ng Trung ương mât lăng năng tơ drong hơ met ăn tơ blăh tih tơ\ Trường Sơn. Kơ plăh do\h sơ\, [ô đo#i Trường Sơn hăm 2 Sư đoàn gre tih ke\ chơ tôm dôm khul linh tơ blăh tơm, 4 sư đoàn công binh, đing pơ ro đak xăng đak dâu hlôi pơm truh tơ\ Bù Gia Mập, pơm ‘lơ\ng ăn tơ drong pơ truh đak xăng đak dâu ăn rim khul linh...hlôi hơ met tôm tơ drong ăn tơ drong tơ blăh tih. Lơ\m tơ drong tơ blăh âu, ‘măng mă blu\ng lơ\m jơ hnơr erih, Khul linh Việt Nam đei tôm gre, kơ măy kơ mo\k pơ yoa ăn tơ blăh. Vă akhan, pă đei yak jâng ho\h, pu\ [alo bơih, tơ plih kơ ‘no\h, rim khul linh, phao kơ toang đei chơ hăm gre ngăl. Rim khul linh tơ blăh đei gre chơ ba. Tơ drong chơ pơ du\ tơ mam, [râm phao ‘no\h yoa {ô đo#i Trường Sơn io\k jang. Thiếu tướng Phan Khắc Hy [lo\k dơ\ng: “Kơ plăh do\h sơ\ {ô đo#i Trường Sơn io\k jang lơ tơ drong tôch g^t kăl vă gơ\h tơ blăh jơ nei. 2 sư đoàn gre tih, chơ ba dôm khul linh tơ blăh tơm, jing khul linh tơ blăh tơ\ te\h đei tôm gre hao. Yoa thoi no\h tơ drong tơ blăh tơ dru\t roi to\k, pơ jing đei jơ hngâm pran mă Đại tướng- Kơ dră che\p kơ\l tơm kơ khul linh akhan: Gơ nơm đơ\ng {ô đo#i Trường Sơn mă dôm khul linh tơ blăh đei an^h ako\m, an^h pơih trong tơ blăh ‘lơ\ng, atu\m hăm ‘no\h đei hơ met tôm gre, kơ măy kơ mo\k, pơ jing đei jơ hngâm pran lơ\m tơ drong tơ blăh tih. Yoa thoi no\h mă tơ drong jang đơ\ng 2 sư đoàn gre tih kơ {ô đo#i Trường Sơn tơ gop tôch lơ lơ\m tơ drong tơ blăh Hồ Chí Minh.”

          Hlo\h 5000 to\ gre găh 2 Sư đoàn 471 păng 571 kơ {ô đo#i Trường Sơn “chơ ba” dôm khul linh Quân đoàn 1, Quân đoàn 2, Quân đoàn 3 tơ blăh ayăt đơ\ng Huế - Đà Nẵng, Tây Nguyên truh tơ\ tơ ring Đông Nam bộ păng mă hơ tuch ‘no\h tơ blăh io\k rơ ngei Sài Gòn. Năm truh tơ\ yơ, tơ blăh jơ nei truh tơ\ no\h, khul linh ayăt kơ dâu dih dih. Ku\m jing yoa ‘măng mă blu\ng lơ\m jơ hnơr erih bơ\n đei tôm gre, kơ măy kơ mo\k ăn khul linh kơ na hơ nat vă gơ\h tơ roi đ^ tơ drong hơ iă, nuih mơng đơ\ng [o# đo#i Trường Sơn [ât do\h sơ\. Đơ\ng tơ drong tơ blăh răh, pơih păng vei răh trong Hồ Chí Minh, đing đak dâu, truh tơ drong ku\m hăm khul linh tơ blăh tơ\ te\h păng dôm khul linh nai vang tơ blăh ayăt, io\k rơ ngei tơ ring Pơ băh, {ô đo#i Trường Sơn kơ plăh do\h sơ\ băt hơ dăh tơ drong jang đơ\ng kơ dih, ako\m jơ hngâm kho\m tơ blăh kle\p đei. Đại tá Đinh Công Ty, [ât do\h sơ\ pơm bơ ngai jang Chính ủy Trung đoàn gre tih 11, Sư đoàn 571, {ô đo#i Trường Sơn tơ roi: “Huơ\r gre pơ ma atu\m tôch hơ iă. Dang ei bơ\n đei gre tih, mă adrol ki lăp chơ tơ mam, phao đơ\ng tơ ring găh Tu mât tơ\ tơ ring pơ băh đe\ch, kơ dâu tôch mơ mat yoa ayăt tơ blăh găn trong. Dang ei ‘no\h kơ dâu tơ\ trong 1, trong tơm kơ te\h đak, chơ đe [ô đo#i dơ\ng kơ na ưh đei yă kiơ hơ iă hlo\h. Đơ\ng no\h đe ‘nho\ng o\h kho\m vei sơ đơ\ng, huơ\r pơ lơ\h băl hơ nơ\ng, pơm lăp hăm tơ drong ‘me\h vă đơ\ng khul linh tơ blăh tơ\ te\h, ưh kăl por ‘nhot ku\m huei, lăp [ơk ăn tơ mam xa kro đe\ch. Hơ iă truh thoi no\h. Ayăt kơ dâu dih dih, bơ\n athei gơ nơm đơ\ng gre {ô đo#i Trường Sơn chơ dôm khul linh tơ blăh tơm ‘mơ\i mă gơ\h druh tom.”

          Tơ blăh jơ nei bơih, jur jâng tơ\ Sài Gòn, jơ hngâm đon hơ iă ưh ke\ pơ ma đ^ hăm nơ\r hăm đe linh “chor kle\ch Trường Sơn năm do\ng te\h đak”. Lơ\m khul linh drut mât tơ\ Sài Gòn, bơ ngai linh Trường Sơn đei dơ\ng 1 tơ drong jang, ‘no\h j^ vang vei lăng kơ jăp ‘lơ\ng ăn pơ lei tơm, io\k vei lăng rim tơ mam oei đei dơ\ng vă bơ\ jang tơ iung pơ jing mă tih [iơ\, roi ‘lơ\ng [iơ\. Thiếu tướng Phan Khắc Hy năm truh tơ\ Sài Gòn til pơ gê ‘năr 1-5 tơ roi dơ\ng: “Kơ plăh do\h sơ\ inh păng ‘nho\ng Đinh Đức Thiện - Kơ dră An^h jang tơ gu\m ăn tơ drong tơ blăh, Pho\ kơ dră che\p kơ\l tơ drong tơ blăh, 2 ‘nu thây tro măr nhi mât lơ\m pơ lei tơm Sài Gòn, ‘nho\ng Thiện pơ ma hăm inh “Măng mă âu io\k vei lăng Sài Gòn, athei pha, pha [iơ\, ưh gơ\h nhen adrol ki”. Sài Gòn oei ‘lơ\ng thoi âu, athei vei kơ jăp rim tơ drong ăn sư. Inh hăm ‘nho\ng Thiện mât tơ\ lơ an^h te\ch tơ mam, dăr lăng jâp trong kơ pho#, kon pơ lei tôch ‘nă hal, lăng [ô đo#i tôch lăp đon. Chơt hơ iă kơ năr tơ blăh io\k rơ ngei, 1 năr mă bu bu ku\m le\ch đak măt, tơ drong hơ pơi dôm j^t sơ năm hlôi đei. Kơ na gơ\h pơ ma, nhôn kơ plăh do\h tôch mơ mat vă gơ\h tơ roi đ^ tơ drong chơt hơ iă ‘nă hal đơ\ng kơ dih.”

          Tơ drong tơ blăh Hồ Chí Minh đang hlôi pơ tôch tơ drong jang tôch g^t kăl lơ\m jơ hnơr erih pơ dui đunh 16 sơ năm đơ\ng {ô đo#i Trường Sơn, io\k đơ\ng đei pơ jing lơ\m khei 5 sơ năm 1959 hăm anăn krao Đoàn 559. Lơ\m 16 sơ năm ‘no\h, {ô đo#i Trường Sơn jang đei lơ tơ drong tih, hơ nat vă gơ\h pơ ma đ^ hăm nơ\r, ‘no\h j^ dôm j^t rơ bâu km trong se\r, trong krang, ‘no\h j^ khul linh [ô đo#i păng druh dăm xung phong đei măt tơ\ jâp an^h âu, [ât lăp to\k vă je# truh 120 rơ bâu ‘nu bơ ngai, ‘no\h j^ đon lui tơ blăh io\k jơ nei to\k hlo\h rim tơ drong mơ mat tat, krưp kre\nh đơ\ng tơ drong tơ blăh. Tơ drong tơ blăh Hồ Chí Minh – io\k rơ ngei Sài Gòn, io\k rơ ngei đ^ đăng tơ ring Pơ băh oei tôch g^t kăl hăm {ô đo#i Trường Sơn dơ\ng, mưh tơ drong tơ blăh hlôi jing jơ năr ang hơ dăh hlo\h đơ\ng khul linh âu.

Minh Hạnh: Chih

Dơ\ng: Tơ blơ\