VOV4.Bahnar - Jô̆ truh dang ei, đĭ đei 388 anih pơ truh tơ mam đơ̆ng choh jang đei, tơ mam xa ‘nŏh jĭ dôm anih jang, HTX pơm tơ lĕch tĕch mơ dro chih măt jang hơ doi. ‘Nŏh jĭ nơ̆r pơ ma đơ̆ng Grŭp jang gĭt kăl kơ Anih tơm vei lăng choh jang xa păng atŏk tơ iung tơ ring tơ rang tơ̆ tơ ring găh Pơ băh.

Mă hơ dăh: 85 anih pơ truh ‘nhot, ƀum; 102 anih pơ truh plei ‘long; 157 anih pơ truh kơ hơ dang; tơ mam xa ‘nŏh 24 anih; oei đei dơ̆ng ‘nŏh pơ truh dôm tơ mam yoa nai. Tơ chĕng adrol đơ̆ng dang ei truh đĭ sơ năm, ‘nhot, ƀum tơ̆ dôm dêh char găh Pơ băh đei dang 5,7 triu tân, pơm lăp hăm tơ drong ‘mĕh vă răt xa. Hơ drô̆ 19 dêh char, plt oei pơ vang găn rim khei đei pơ truh đơ̆ng 560 rơ bâu truh 600 rơ bâu tân ‘nhot.

Phŏ Kơ dră tơm vei lăng choh jang xa păng atŏk tơ iung tơ ring tơ rang Phùng Đức Tiến ăn tơ băt, pơih trong tĕch mơ dro ăn tơ mam đơ̆ng choh jang đei, tơ mam xa, tơ drong kăt yoă, phĕ tĕch tơ mam đơ̆ng choh jang tơ̆ 19 dêh char, plt tơ̆ tơ ring pơ băh oei jang kiơ̆ tơ drong hơ găt pơ vang găn lơ̆m tơ pôl ‘nŏh jĭ tơ drong tôch gĭt kăl, athei jang mă tơ tĕnh, Anih âu oei athei Anih tơm vei lăng khul linh set hơ len, pơ truh khul linh năm tơ gŭm ăn kon pơ lei păng dôm tơ ring oei tơ ƀâp mơ mat tat.

Dơ̆ng: Tơ blơ̆