VOV4.Bahnar - Til pơ gê 10/8, tơ̆ anih gre dơ̆ng Miền Đông păng anih gre dơ̆ng Miền Tây, Dơ nŏ anih vei lăng kon pơ lei dôm dêh char Dak Lak, Kiên Giang jang hơ doi hăm Dơ nŏ anih vei lăng kon pơ lei plt HCM pơ gơ̆r ăn lơ gre cho ba kon pơ lei vih tơ̆ pơ lei kơ dih hăm tơ drong tơ gŭm gre đơ̆ng Công ty Phương Trang.

Tơ drong hơ met đei bơ̆ jang tôch ‘lơ̆ng, kon pơ lei đei ăn oei tơ̆ lơ anih pha ra băl kiơ̆ rim apŭng vă brŏk, pơm ‘lơ̆ng dơ̆ng hơ tăih băl. Đĭ đăng bơ ngai vih brŏk đei hla ar set hơ len ưh đei jĭ Covid-19 oei đei yoa ngăl mă ưh ‘nŏh đei test hrĕnh tơ̆ anih gre dơ̆ng. Lơ bơ ngai brŏk tơ̆ pơ lei mă âu ‘nŏh jĭ bơ ngai hiong tơ drong jang, sinh viên, kon pơ lei năm tơ̆ plt HCM yoa đei tơ drong păng đom tơ̆ âu yoa tơ drong hơ găt pơ vang găn, ưh ăn yak vih vât lơ̆m tơ pôl. Tơ̆ kơ sơ̆ 10/8, tơ̆ Anih gre dơ̆ng miền Đông, Dơ nŏ anih vei lăng kon pơ lei dêh char Phú Yên kŭm pơ gơ̆r chơ iŏk kon pơ lei Phú Yên vih đơt 6 hăm hlŏh 600 ‘nu bơ ngai.

Dơ̆ng: Tơ blơ̆