VOV4.Bahnar - Thủ tướng Tĕh đak ‘nao kĭ tơchơ̆t tơdrong jang pơjing pơ prŏ hơmet dêh char Lâm Đồng jăl jang 2021-2030, lăng trŭh sơnăm 2050 hăm trong atŏk tơ iung tĕnh koăng, keh kong ;păng kơ jăp, hơnhăk Lâm Đồng jing dêh char hơtŏk tơ iung ‘lơ̆ng, tôm tong kơ tĕh đak. Atŏk kơtang hơmet ming jang mŭk drăm, mă kăl ‘nŏh hơmet pơ ‘lơ̆ng chŏh jang sa, lăng trŭh chŏh jang sa tôm tong păng gơ̆h hơgei, ‘nŏh hơnĭh tơm chă tơchĕng, pơm tơlĕch chŏh jang sa hăm kmăi kmŏk hơgei hơtŏ lơ̆m tĕh đak păng lơ̆m plei tĕh; atok tơ iung tơmang pơ hiơ̆ ‘lơ̆ng, tơ iung pơjing pơlei tơm Đà Lạt păng tơring tơtil jing hơnĭh tơm tơmang pơ hiơ̆ kơ lơ̆m tĕh đak păng tơring Đông Nam Á păng jing hơnih tơm pơtho pơhrăm chă tơchĕng, tơchăr khoa hŏk. Kiơ̆ kơ ‘nŏh, pơchŏh trong atŏk tơ iung, hơmet ming cham char păng hơmet ăn khŭl bơ̆ jang ăn tơdrong jang mŭk drăm-tơpôl Lâm Đồng lăng trŭh tŏk iung tĕnh koăng păng kơ jăp hăm 3 trong jang tơm ‘nŏh: Chŏh jang sa gơ̆h hơgei, tơmang pơ hiơ̆-tĕch răt ‘lơ̆ng, Jang kmăi kmŏk kiơ̆ hơlen brĕ, ăn iung jang hơdrol atŏk tơ iung rim hơnĭh jang kmăi kmŏk hơgei, kmăi kmŏk ‘lơ̆ng hơ iă hăm cham char.

Tơblơ̆ nơ̆r: Amazưt