VOV4.Bahnar - Tơring Tây Nguyên pơmna atu\m, dêh char Dak Nông pơma hơdro# đei lăng jing pơjing đei u\nh hơyu\h jơ\ng ‘năr, rim an^h jang u\nh hơyu\h jơ\ng ‘năr tơ\ Dak Nông hlôi păng to\k bo\k tơle\ch jang, tơche\ngh hơlau gô hơnhăk đei u\nh hơyu\h rơgo\h ‘lơ\ng lơ, tơgu\m ăn ato\k tơ iung mu\k drăm - tơpôl.

Dôm tơdrong jang đei jang kiơ\ lơ\m kmăi tinh

Hăm te\h să 65ha, hăm hlo\h 187.000 blăh pil hrip io\k jơ\ng ‘năr, đơ\ng kơpal tơmang lăng, hnam kmăi u\nh hơyu\h jơ\ng ‘năr Cư\ Jut, th^ trân Ea Tlinh, apu\ng Cư\ Jut, dêh char Dak Nông hơnhăk ba đei unh hơyu\h rơgo\h ‘lơ\ng tôch kơtang. Hơdrol kơ ‘no\h “Hơve\n u\nh hơyu\h” au jing groi te\h rang rar, hăm ‘long pơtăm đei io\k yua to\ se\t.

‘Nho\ng Nguyễn Văn Đức, bơngai bơ\ jang lơ\m hnam kmăi u\nh hơyu\h jơ\ng ‘năr Cư\ Jut tơbăt, lăp đơ\ng ro\ng iung jang, khu\l jang lơ\m an^h au đei klăh asong d^h băl jang 2 hơyu\h. Mă đơ\ng vei lăng tru\h hlo\h 187.000 blăh pil mă lei khu\l bơ\ jang lăp jang lơ\m kmăi t^nh păng vei lăng hăm camera koăy pơtru\h ăn an^h tơm. Khu\l jang jei hơnơ\ng năm dăr lăng rim blăh pil, ling lang vei lăng rơgo\h ‘lơ\ng ăn kơ pil vă hăp sơđơ\ng, io\k đei jơnei hơ iă. “Tơdrong jang ^nh tơ\ au ‘no\h ling lang dăr lăng kmăi kmo\k păng vei lăng hnam kmăi lơ\m jơ ba gak, tơdăh m^nh [ar blăh pil hư ‘no\h nhôn tơpl^h hloi, dăh mă m^nh [ar hơdrơl pil hăp tơglơ\h, hlu\n ‘no\h hơmet ming pơ ‘lơ\ng. Găh jơ pơtru\h u\nh hơyu\h kơtang hlo\h ‘no\h lơ\m 11 jơ ‘năr dơ\ng tru\h 1 jơ kơ sơ\, găh pơtru\h sơđơ\ng hơnơ\ng đơ\ng 6 jơ pơgê tru\h 6 jơ kơsơ\”

Rim hlak pil hrip io\k jơ\ng ‘năr kơ Hnam kmăi u\nh hơyu\h jơ\ng ‘năr Cư Jút

{ok Lưu Phúc Anh, Kơ ie\ng Kơdră che\p pơgơ\r vei lăng Hnam kmăi U|nh hơyu\h jơ\ng ‘năr Cư\ Jut tơbăt, an^h tơngla tơmơ\t jên jang ‘no\h Công ty cổ phần Thủy điện Miền Trung hlôi năm dăr lăng lơ an^h lơ\m te\h đak păng sơkơ\t hơdăh akhan tơring apu\nbg Cư\ Jut, dêh char Dak Nông ‘no\h đei jơ\ng ‘năr ‘lơ\ng, găh ‘năr to\ jo# hơto\ lơ\m m^nh sơnăm đei dang 2.600 jơ. Kmăi kmo\k pơtru\h u\nh hơyu\h đei sơđơ\ng ‘lơ\ng, hoei đei to\ ‘mi kial pơra\m kơna an^h au hlôi tơmơ\t jên jang 1.300 ti hlak jên vă tơ iung pơjing hnam kmăi u\nh hơyu\h jơ\ng ‘năr hăm đei pran 50MW. Hnam kmăi hlôi bơ\ jang lơ\m sơnăm 90KWh hăm io\k đei 200 ti hlak jên, păng tơche\ng hơlau lơ\m 9 sơnăm gô io\k tơv^h tôm kon jên tơmơ\t jang. “ Găh jơ\ng ‘năr kơ Dak Nông, mă kăl Cư\ Jut ‘no\h tôch kơ ‘lơ\ng. Mă kăl tơ\ an^h riơ\h tơ iung pơjing tôch rơvơn nhen tơ je# trong tơlei u\nh hơyu\h 110KV, jơ\ng ‘năr ‘lơ\ng. Păng hlo\h đơ\ng pơma dơnu\h hăm kơdră tơring ‘no\h đe sư tôch hơlăng păng tơgu\m tôch kơ lơ. Lơ\m 1 khei pơtru\h đei 7 tr^u KWh, u\nh hơyu\h đei pơm tơle\ch đơ\ng năr 20/4 tru\h dang ei hlôi tơmơ\t hơdoi lơ\m u\nh hơyu\h te\h đak ‘no\h hlo\h 31 tr^u KWh, pơm sơđơ\ng ăn tơdrong ư\h kơ măh u\nh hơyu\h kơ te\h đak adoi nhen pơm tơ jur hiong dong u\nh hơyu\h lơ\m tơring”

{ok Nguyễn Văn Trình,Kơ ie\ng Kơdră che\p pơgơ\r Ko\ng ty U|nh hơyu\h Dak Nông tơbăt, găh tơdrong pơjing u\nh hơyu\h jơ\ng ‘năr to\k bo\k đei khu\l kơdră te\h đak pơtru\t iung jang kơtang. ‘Nau trong iung jang tôch kơ ‘lơ\ng, lơ\m khei năr u\nhj hơyu\h đơ\ng hnam kmăi đak tơle\ch u\nh hơyu\h roi năr roi tơ jur. “Hnam kmăi u\nh hơyu\h jơ\ng ‘năr kơ Tổng Công ty Điện lực Miền Trung pơtru\h hloi lơ\m 110KV hlôi tơgop pơ jing đei sơđơ\ng u\nh hơyu\h kơtă, adoi pơm sơđơ\ng dơ\ng kơ jăp u\nh hơyu\h lơ\m dêh char Dak Nông. Tơdrong anai dơ\ng hăp ‘no\h u\nh hơyu\h tơmơ\t dơ\ng tôch ‘lơ\ng hơ iă, tôch kăl tơdrong vang tơgu\m pơm sơđơ\ng u\nh hơyu\h lơ\m te\h đak pơma atu\m păng dêh char Dak Nông pơma hơdro# hrei au đei  hlo\h 10%”

Kiơ\ đơ\ng [ok Nghiêm Hồng Quang, Kơ ie\ng Kơdră che\p pơgơ\r Dơno\ an^h vei lăng kon pơlei apu\ng Cư\ Jut tơbăt, dang ei apu\ng đei 2 tơdrong jang pơm u\nh hơyu\h jơ\ng ‘năr hlôi đei pơm tơle\ch đei tru\h 95MW, hăm ako\p kon jên tơmơ\t jang 2.200 ti hlak jên. Tơdrong tơmơ\t jên jang pơm hnam kmăi u\nh hơyu\h jơ\ng ‘năr hlôi pơge\nh đei dôm tơdrong gơ\h jang kơ tơring. Lơ tơring te\h jang sa rang rar, hơnơ\ng đei to\ phang pơđang, ư\h kơ măh đak chă tơruih pơro lơ\m pơyan phang to\k bo\k pơjing đei groi te\h hơnhăk ba hơ iă ăn dôm tơdrong jang u\nh hơyu\h jơ\ng ‘năr t^h tên hlo\h. “ Tơdrong đei io\k jơnei mă blu\ng hăm tơring ‘no\h tơpl^h jang sa, mă 2 hơnhăk đei io\k yua kơ jăp ăn kon jên bơ\ jang apu\ng, mă 3 pơjing đei tơdrong jang sơđơ\ng ăn kon pơlei kơtă, ‘nau dôm hơdrong đei [ơm ‘lơ\ng hơ iă hlo\h kơ tơdrong jang ‘nau. Lơ\m khei năr kơnh ‘no\h tơring ‘me\h vă an^h jang au hơnơ\ng đei iung jang ‘lơ\ng hơ iă hlo\h dơ\ng. Mă kăl dơ\ng ‘no\h mư\h tơdrong vă jang au đei iung jang kơtang lei đei [ơm tru\h ‘lơ\ng tơ\ an^h mơdro sa tơm, rim bơngai tơmơ\t jên jang đei lui kiơ\ kơ jăp mư\h năm tru\h tơ\ apu\ng Cư\ Jut gô đei sơng hơvơn ‘lơ\ng păng pơjing rơvơn hơ iă hlo\h”

Bơngai ch^h: Hoàng Qui

Tơblơ\ nơ\r: Amazưt