VOV4.Bahnar - Pơ gê ‘năr 15/4, tơ\ Hà Nội pơ gơ\r hop ako\m Khul kơ dră che\p kơ\l An^h pơ gơ\r jang kơ Trung ương găh tang găn sar bar, pơ ma găh trong tơ jră hăm to\ phang pơ đang păng đak [o\h mât tơ\ tơ ring Tây Nguyên, găh Pơ băh tơ ring To\k bo\k păng Tơ ring te\h tơ măn đak krong Cửu Long.

Tơ\ ‘măng hop ako\m, Kdră Jơnu\m pơgơ\r jang kơ Trung ương găh tang găn păng tơjră cham char pơrăm [ok Cao Đức Phát pơkăl, rim tơring pơtoi hơlen kjăp hơyuh to# ‘mi tơplih, thong đak, đak [ăt hram păng jang hrơ\p minh ‘măng dôm tơdrong tơjră, tơjur tơdrong răm hăm tơdrong jang păng xđơ\ng tơdrong erih kơ kon pơlei. Dôm bngai jang lơ\m Jơnu\m pơgơ\r tơhăt jang hơvơn rim jơhngơ\m jang vă tơjră to# pơđang păng đak [ăt hram, mă kăl noh vei xđơ\ng tơmam xa păng đak xo\ nhă rơgoh ăn kon pơlei, ưh kơ đei le# kon pơlei pơngot păng k[ah đak xo\ nhă. Lơ\m noh pơkăl Anih tơm jang găh mu\k drăm păng cham char băt hơdăh tơroi găh to# pơđang păng đak [ăt hram vă tơroi ăn tơdrong pơgơ\r jang kơ rim tơring; pơkăl Anih tơm Ko\ng thương hơlen dơnâu mong đak hnam kmăi unh hơyuh athei tơre\k mă blu\ng găh đak ăn kon pơlei tơ\ tơring [ơm to# pơđang, ưh kơ đei đak xo\ nhă. Anih tơm choh jang xa păng ato\k tơring pơxe\l gô jang atu\m hăm rim tơring pơgơ\r jang, hơmet khei năr rei pơtăm, atu\m hăm noh pơtruh nơ\r hăm Jơnu\m pơgơ\r teh đak tơgu\m dơ\ng cham char pơrăm ăn dôm tơring dăh tơjră hăm to# pơđang păng đak [ăt hram.

Lan chih păng rapor