VOV4.Bahnar - Dêh char Lạng Sơn ‘nao tơ chơ̆t tơ jur ƀiơ̆ jên nôp mưh iŏk yoa anih dơ̆ng, trong tơ̆ dôm ‘măng jang sơ lam, tơ jur jên pơ vih pơ văn tơ̆ ‘măng jang sơ lam Tân Thanh vă tơ gŭm ăn anih tĕch mơ dro tơ mam tơ̆ tĕh đak đe. Truh dang ei, kơ sô̆ gre chơ tơ mam oei dơ̆ng tơ̆ ‘măng jang sơ lam dêh char Lạng Sơn ‘nŏh 4.200 tŏ gre, lơ̆m nŏh đei hlŏh 2.900 tŏ gre chơ pơ kao, plei ‘long, akŏm lơ tơ̆ ‘măng jang Tân Thanh.

Tơ jur lơ kơ sô̆ jên athei nôp vă tơ gŭm ăn anih tĕch mơ dro đei tơ mam oei đom tơ̆ ‘măng jang sơ lam

Tơ̆ hơ năp tơ drong gre chơ tơ mam dơ̆ng gô đunh, vă tơ gŭm ƀiơ̆ tơ drong mơ mat tat hăm dôm anih tĕch mơ dro păng bơ ngai huơ̆r gre, dêh char Lạng Sơn tơ chơ̆t ưh đei iŏk jên hơ met jĭ hăm bơ ngai huơ̆r gre tơ dăh ưh pŭn tơ pŏh jĭ COVID-19 păng hơ nơ̆ng tơ jur jên nôp mưh iŏk yoa anih dơ̆ng, trong gre tơ̆ dôm ‘măng jang sơ lam, tơ jur lơ kơ sô̆ jên pơ vih pơ văn tơ̆ ‘măng jang sơ lam Tân Thanh. Mă hơ dăh, tơ jur jên iŏk yoa anih dơ̆ng, anih pơ vih pơ văn lơ̆m tơ pôl tơ̆ ‘măng jang sơ lam kơ dêh char Lạng Sơn.

Dơ̆ng: Tơ blơ̆