VOV4.Bahnar - Pơ gê (12/8), Trung ương Khul druh dăm Việt Nam tơ lĕch 65 năr pơ jei băl vă sơng kơ kŭh 65 sơ năm Năr juăt jue kơ Khul druh dăm Việt Nam (15/10). Yoa oei pơ vang găn lơ̆m tơ pôl kiơ̆ tơ drong hơ găt 16 đơ̆ng Thủ tướng tĕh đak, tơ drong tơ lĕch trong jang iŏk đơ̆ng Clip hơ tŏk lơ̆m mang tơ pôl păng đei anih radio, pơ dăh um rup pơih tơ ƀôh.

Kiơ̆ Bí thư mă mônh Trung ương Đoàn, Kơ dră vei lăng Khul druh dăm Việt Nam Nguyễn Anh Tuấn, ‘măng pơ jei âu đei lơ̆m jơ năr tôch gĭt kăl, yoa thoi nŏh rŏ năng hơ nat vă akŏm lơ khul grŭp druh dăm vang bơ̆ jang kơ tă tơ̆ yăn âu hăm rơ bâu ‘nu bơ ngai vang jang. Mă lei ‘nâu jĭ trong jang tôch lăp, tôch gĭt kăl, mă loi ‘nŏh vă tơ tă ăn kơ bơ̆n huei kơ lăng pơ hơi tơ̆ hơ năp tơ drong jĭ COVID-19, tơ tă ăn rim bơ ngai mơ lôh, rim druh dăm athei hơ nơ̆ng adrin hlŏh dơ̆ng lơ̆m khei ‘năr truh, vă kŭm hăm tĕh đak tang găn đei tơ drong jĭ hơ buh, hơ nhăk tơ drong arih xa hiôk sơ đơ̆ng nhen sơ̆ dơ̆ng.

Dơ̆ng: Tơ blơ̆