VOV4.Bahnar - Pơ gê ‘năr (15/7), tơ̆ Hà Nội, Trung ương Đoàn hơ druh tơ dăm cộng sản Hồ Chí Minh, Trung ương Khŭl vei lăng hơ druh tơ dăm Việt Nam păng Kŏng ti grŭp jang Yeah1 pơ gơ̆r tơ lĕch jang Tơ drong jang tơ gŭm kơ jă răt tơ mam yua kăl ăn hơ druh tơ dăm kŏng nhân păng kon pơ lei. Kiơ̆ tơ drong jang kĭ pơ kăp, hơ druh tơ dăm kŏng nhân, bơ ngai jang, kon pơ lei đei tơ drong arih sa mơ mat tat yua đơ̆ng ƀơm kơ nê̆ đơ̆ng jĭ Covid-19 mư̆h răt dôm tơ mam yua kăl ‘moi kiơ̆ App răt tơ mam MEGA1 dăh mă kiơ̆ rim hơ nih chă tĕch đơ̆ng tơ drong jang “ Tơ gŭm băl tơ drong ‘mêm kơ eng, vang tơ gŭm yak hloh jĭ hơ buh” gô đei rim anih jang mơ dro sa vang jang tơ drong jang tơ gŭm kơ jă truh 50% kơ jă tơ mam. Tơ drong jang tơ lĕch jang đơ̆ng dang ei truh đĭ khei 6/2022, lơ̆m 63 dêh char, pơ lei tơm, tơ gŭm hơ drol dôm dêh char, pơ lei tơm tŏk bŏk đei ƀôh mơ mat tat đơ̆ng jĭ hơ buh Covid-19. Tơ drong tơ lĕch jang tơ drong jang kŭm tơ gop jang kiơ̆ tơ drong pơ kăp jang hơ dai tơ jră jĭ jơ nei hai, pơ vei, hơ tŏk tơ iung pơm tơ lĕch tĕch mơ dro păng kŭm jing tơ iung mŭk drăm răt yua hai.

Thuem: Tơ blơ̆