VOV4.Bahnar - Kơ sơ̆ ‘năr 25/3, tơ̆ Hop akŏm tơ gop nơ̆r tơ drong jang bơ̆ jang kiơ̆ tơ drong tơ chơ̆t Hop akŏm Đảng lơ̆m teh đak ‘măng mă 13 găh tơ drong jang krao hơ vơn kon pơ lei, rim bơ ngai tang măt athei kăl kơ hơ tŏk loi dơ̆ng tơ plih kơ sô̆ lơ̆m tơ drong jang krao hơ vơn kon pơ lei. Mĭnh lơ̆m dôm tơ drong tơm đơ̆ng Tơ drong bơ̆ jang găh tơ drong jang krao hơ vơn kon pơ lei lơ̆m khei ‘năr tơ̆ hơ năp kơnh ‘noh akŏm vei kơ jăp, tơ roi tơ băt tơ drong tơ chơ̆t Hop akŏm 13 của Đảng găh hơ tŏk jơ hngơ̆m pran tơ goăt tơ goăl hơ drĕch hơ drŭng, kon pơ lei pơm tơm xã hội chủ nghĩa păng tơ drong pơm tơ ‘ngla đơ̆ng kon pơ lei. Tơm ‘noh bơ̆ jang kiơ̆ trŏ ƀlep, đei yua kon pơ lei pơm tơm kơ tă, kon pơ lei pơm tơm tang măt, mă loi ‘noh jĭ kon pơ lei pơm tơm tơ̆ tơ ring. Tơ̆ hop akŏm, rim bơ ngai tang măt akhan anih jang, khŭl jang lơ̆m tơ drong jang chinh trĭ kăl kơ pơm tơ drong hiôk ăn kơ kon pơ lei vang jang ‘lơ̆ng lơ̆m kơ plăh tơ chơ̆t trong jang tơ gŭm, hơ tŏk loi dơ̆ng hơ năp jang gĭt kăl tơ drong jang kiơ̆ rim trong jang tơ gŭm, khôi luơ̆t păng hơ met ‘lơ̆ng nơ̆r apĭnh đơ̆ng kon pơ lei.

Thuem: Tơ blơ̆