VOV4.Bahnar - Pơ gê ‘năr 15/10, An^h tơm vei lăng găh pơ tho pơ hrăm Việt Nam jang hơ dai hăm An^h mong jên hơ io\h Liên Hợp quốc (UNICEF) păng Ban Thư ký ASEAN pơ gơ\r “Hop ako\m ASEAN- UNICEF găh tơ pl^h kơ so# rim tơ drong jang pơ tho pơ hrăm lơ\m Khu\l gru\p dôm te\h đak Đông Nam Á”. Hop ako\m pơ gơ\r kiơ\ trong trực tuyến hăm tơ drong vang ako\m đơ\ng bơ ngai tang măt 10 te\h đak lơ\m tơ ring, rim khu\l jang [ơm tru\h păng bơ ngai jang kơ măy kơ mo\k. ‘Nâu j^ tơ drong kăl oei lơ\m khei ‘năr rim tơ drong bơ\ jang sơ năm Việt Nam pơm kơ dră ASEAN păng khei ‘năr an^h jang pơ tho pơ hrăm dôm te\h đak ASEAN to\k bo\k hơ drin tơ jră hăm COVID-19, vei ‘lơ\ng ăn rim ho\k tro đei sơ đơ\ng păng ư\h kơ đei pơ dơ\h tơ drong ho\k.

Tơ\ hop ako\m, rim bơ ngai tang măt hlôi tơ roi lơ tơ drong g^t kăl găh tơ pl^h ki thuơ\t kơ so# lơ\m rim tơ drong jang pơ tho pơ hrăm đơ\ng dôm te\h đak ASEAN păng jang kiơ\ tơ drong tơ chơ\t atu\m, pơ ma hơ dăh tơ drong g^t kăl đơ\ng rim tơ drong hơ drin vă sut ư\h kơ gơ\h chư kơ măy kơ mo\k, hơ to\k loi dơ\ng pơ tru\t hơ to\k tơ iung găh yua kơ so# păng gơ\h tơ pl^h kơ so# lơ\m tơ drong jang pơ tho pơ hrăm đơ\ng dôm te\h đak jang lơ\m ASEAN; Hơ dai hăm ‘no\h sơ kơ\t hơ dăh tơ\ năm kơnh đơ\ng hơ io\h, hơ dru\h tơ dăm păh iung păng tơ drong jang tơ\ hơ năp kơnh lơ\m tơ pl^h kơ so# rim tơ drong jang pơ tho pơ hrăm.

Thuem: Tơ blơ\