VOV4.Bahnar - Tơ̆ hop akŏm tơ lĕch jang Tơ drong tơ chơ̆t đơ̆ng Thủ tướng teh đak kĭ ăn “Tơ drong jang hơ tŏk loi dơ̆ng tơ drong jang anih jang vei lăng joăt jang thú y tơ̆ rim tơ ring jăl jang 2021-2030”, krao kơ đeh ‘noh Tơ drong jang thú y pơ gơ̆r pơ gê ‘năr 15/4 tơ̆ Hà Nội, rim bơ ngai tang măt drơ̆ng nơ̆r ‘lơ̆ng akhan, kăl kơ jăh tơ lĕch jang hơ met tôm păng hơ tŏk loi dơ̆ng tơ drong jang thú y tơ̆ rim tơ ring vă hơ tŏk ‘lơ̆ng tơ drong jang tang găn jĭ đei yua tơ̆ kon tơ rong. Tơ̆ hop akŏm, rim bơ ngai tang măt drơ̆ng nơ̆r ‘lơ̆ng hăm tơ drong hơ nơ̆ng hơ tŏk loi dơ̆ng tơ drong jang  thú y tơ̆ rim tơ ring vă jang đang ‘lơ̆ng rim tơ drong jang hăm ‘mĕh vă roi ‘năr roi lơ păng dôm long nol, kơ hret mơ dra sa hăm apŭng plĕnh tĕh roi ‘năr roi tih, mă loi ‘noh kơ hret tang găn, vei lăng ‘lơ̆ng dôm kơ loăi jĭ krê hơ mơt, jĭ tơ poh đơ̆ng kon tơ rong tơ̆ bơ ngai. Kiơ̆ kơ ‘noh gô hơ tŏk loi dơ̆ng tơ drong jang vei lăng jĭ tơ̆ kon tơ rong, jĭ tơ pŏh đơ̆ng kon tơ rong păng bơ ngai.

Thuem: Tơ blơ̆