VOV4.Bahnar  – Pơgê năr 2/4, Jơnu\m Sinh viên Việt Nam plei tơm Cần Thơ pơm lêh tơbang Anih tơgu\m Ho\k tro – Sinh viên. Jang ăh anih kơso# 776 – trong 30/4 – phương Hưng Lợi – tơring Ninh Kiều – plei tơm Cần Thơ, Anih tơgu\m ho\k tro sinh viên ako\m ho\k hơlen khoa ho\k, io\k yua jơhngơ\m pran lơ\m păng 'nguaih kơ teh đak vă tơgu\m ăn ho\k tro sinh viên; tơroi tơbăt tơdrong jang, axong bơngai jang rơgei ăn dôm anih jang mu\k drăm; tơgu\m ăn ho\k tro năm ho\k tơ\ teh đak đe; tơle\ch dôm tơdrong tơgu\m păng hơto\k tơdrong pơm jang tơpôl, tơdrong hơbe\ch lơ\m jang hadoi mu\k drăm apu\ng plenh teh, tơdrong hơbe\ch ăn đe ho\k tro, sinh viên; dôm tơdrong pơtho pơhrăm juăt jue, đon bơnôh, trong erih xa... Tơ\ jơ tơbang, Anih jang duh tơle\ch k^ pơkăp păng io\k tơgu\m pơm jang đơ\ng dôm anih jang mu\k drăm đei: 4 tơdrong tơgu\m apu\ng plenh teh đei kơjă 8.000 đôlar păng 200 account ho\k nơ\r  Anh kiơ\ App đei kơjă 40 tr^u hlj…

Lan chih păng pơre nơ\r