VOV4.Bahnar – Jơnŭm pôk rơih kơ teh đak hlôi tơchơ̆t tơbang hơnăn 868 'nu lĕch măt tơgar jang tang măt ăn Kuôk hô̆i jăl 15 tơ̆ 184 anih pơgơ̆r pôk rơih lơ̆m jâ̆p teh đak vă pôk iŏk 500 'nu jang tang măt lơ̆m Kuôk hô̆i. Ƀok Bùi Văn Cường, Tổng Thư kĭ, Kơdră Anih jang Kuôk hô̆i, Kơdră Jơnŭm pơgơ̆r pôk rơih kơ teh đak ăn tơbăt:  Lơ̆m kơsô̆ hơnăn tơm 868 'nu lĕch măt tơgar jang tang măt ăn Kuôk hô̆i jăl 15 kiơ̆ tơ̆ rim anih pôk rơih, kơsô̆ bơngai lĕch măt tơgar yuơ Trung ương tơroi noh 203 'nu; tơring đei 665 'nu. Găh pơkăp atŭm kơ jâ̆p teh đak, bơngai drăkăn lĕch măt tơgar đei 393 'nu; bơngai kon kông lĕch măt tơgar noh 185 'nu; bơngai ưh đei jang Đảng noh 74 'nu. Bơngai jang tang măt ăn Kuôk hô̆i jăl 144 lĕch măt tơgar jang dơ̆ng đei 205 'nu; bơngai mơlôh (tơ̆ hơla 40 xơnăm) đei 224 'nu. Xơnăm kơ bơngai lĕch măt tơgar jang tang măt ăn Kuôk hô̆i noh 46 xơnăm.

Lan chih păng pơre nơ̆r