VOV4.Bahnar – Kơsơ̆ 'năr brei (30/6), tơ̆ Anih tơm Rađiô Rapor kơ teh đak - 58 Quán Sứ, Hà Nội, Rađiô nơ̆r pơma VN pơm lêh tơbang păng pơjao Tơchơ̆t đơ̆ng Thủ tướng teh đak pôk jang Kơdră dơnơm kơ Rađiô nơ̆r pơma VN.

          Tơ̆ jơ lêh, đei axong đơ̆ng Thủ tướng teh đak, bơngai jang lơ̆m Anih tơm Chĭnh trĭ, Phŏ Thủ tướng Phạm Bình Minh pơjao Tơchơ̆t đơ̆ng Thủ tướng teh đak pôk jang Kơdră dơnơm kơ Rađiô nơ̆r pơma VN ăn kơ ƀok Đỗ Tiến Sỹ. Kŭp jom chih iŏk dôm tơdrong pơgơ̆r jang kăp gĭt păng pơjao xơnong jang đơ̆ng Phŏ Thủ tướng Phạm Bình Minh, ƀok Kơdră dơnơm Đỗ Tiến Sỹ ăn tơbăt, khei năr truh, Rađiô nơ̆r pơma Việt Nam gô adrin hơtŏk găh kơmăi kơmŏk, hơtŏk pran iŏk yua kih thuơ̆t 'nao, hơlen iŏk yua kơmăi kơmŏk 'nao rơgei lơ̆m tơdrong chih akŏm pơre nơ̆r, pơdăh um rŭp; hơnơ̆ng xơkơ̆t păng pơm kiơ̆ dôm tơdrong tơchơ̆t kăl kơ tơdrong jang ƀăo noh vei xơđơ̆ng kơtơ̆ng ang trŏ ƀlep, tơpăt, đei bơ̆ng pang hơdăh; xơkơ̆t xơnong jang tơm noh jing minh lơ̆m dôm anih jang dơnơm găh hla bar tơroi kơ Đảng, Teh đak lơ̆m tơdrong tơbang pơre nơ̆r, xơkơ̆t tơdrong đei ƀôh lơ̆m tơpôl kon pơlei.

Lan chih păng pơre nơ̆r