VOV4.Bahnar – Pơgê năr 2/7, tơ̆ Hà Nội, Anih jang kơ ƀok Kơdră teh đak pơgơ̆r hop akŏm hla bar tơroi tơbang Tơchơ̆t găh đăk xă xơnăm 2021 đơ̆ng Kơdră teh đak Cộng hòa xã hội chủ nghĩa Việt Nam. Kơdră Anih jang kơ ƀok Kơdră teh đak noh Lê Khánh Hải pơgơ̆r hop akŏm. Kiơ̆ tơchơ̆t đơ̆ng Kơdră teh đak, khei năr oei hnam phak kiơ̆ pơkăp vă hơlen đăk xă noh jô̆ đơ̆ng năr 31/8/2021. Dôm bơngai gơh đei đăk xă noh: bơngai oei hnam phak kiơ̆ khei năr pơkăp, bơngai pơkăp phak oei pơnă đĭ hnưr erih hlôi đei tơjur khei năr oei hnam phak, bơngai tŏk bŏk đei pơdơh tơdăng găh pơkăp oei hnam phak. Thoi noh, âu jing 'măng mă blŭng jô̆ đơ̆ng Luơ̆t Đăk xă đei hơmet ăh xơnăm 2018, Kơdră teh đak tơchơ̆t đăk xă vă pơm kiơ̆ tơchơ̆t 'mêm bơnat đơ̆ng Đảng, Teh đak păng đon bơnôh juăt jue 'mêm kơ eng đơ̆ng hơdrung hơdrĕch hăm bơngai pơm yoch mă ƀơm oei hnam phak, hơlêm đe xư adrin pơhrăm pơ 'lơ̆ng đon bơnôh vă jing bơngai pơyua ăn tơpôl.

Lan chih păng pơre nơ̆r