VOV4.Bahnar - Tơ̆ Hà Nội, Dơnŏ anĭh tang măt Chile tơ̆ Việt Nam hlôi pơgơ̆r pơm lêh Tơbăt 50 sơnăm pơjing tơbôl Việt nam-Chile. Hrei au Chile jing tĕh đak jang hơdoi mơdro sa tĭh hlŏh mă 4 kơ Việt Nam tơ̆ tơring Mi Latinh păng Việt Nam jing tĕh đak jang hơdoi mơdro sa tĭh dơ̆ng mă blŭng kơ Chile lơ̆m Khŭl ASEAN, hăm tĕch mơdro tơmam drăm iŏk đei lơ̆m khei 10 sơnăm au đei trŭh 1 ti 600 trĭu Dolar. Tơ̆ jơ pơm lêh, Kơ iĕng Kơdră chĕp pơgơ̆r Dơnŏ anĭh tơm jang Tơbôl Nguyễn Quốc Dũng hlôi tơroi tơbăt dơ̆ng chăl sơnăm jang hơdoi lơ̆m 50 sơnăm au ki; adoi tơbăt, tĕch mơdro dĭh băl lơ̆m 9 khei blŭng sơnăm 2021 iŏk đei vă jê̆ 1 ti 470 trĭu dolar (tŏk 59% pơtêng hăm sơnăm 2020). Việt Nam păng Cile hơnơ̆ng iung jang hơdoi kơ jăp păng tơgŭm djru dĭh băl tơ̆ rim tơdrong jang apŭng plĕnh tĕh păng hop akŏm lơ pang, hơnơ̆ng jang hơdoi păng tơgŭm djru dih băl vă iung tơ jră tang găn jĭ hơbŭh, tơ ƀô̆h tơbăt hơdăh jơhngơ̆m đon tơgoăt tơgoăl ‘lơ̆ng hơ iă ƀar păh kon pơlei ƀar tĕh đak.

Tơblơ̆ nơ̆r: Amazưt