VOV4.Bahnar - Pơgê năr brei, năr 12/7 tơ̆ Hà Nội, Kơdră chĕp pơgơ̆r Tĕh đak Nguyễn Xuân Phúc, Kơdră Jơnŭm vei lăng Sơđơ̆ng tĕh đak, Yŏng rim Khŭl vei lăng sơđơ̆ng kon pơlei vang năm pơm lê̆h tơbăt 75 sơnăm Năr joăt joe khŭl vei lăng sơđơ̆ng kon pơlei (12/7). Iung pơma tơ̆ pơm lê̆h, Kơdră chĕp pơgơ̆r tĕh đak Nguyễn Xuân Phúc athei khŭl vei lăng sơđơ̆ng kon pơlei ling lang jang kiơ̆ kơ jăp trong jang chĕp pơgơ̆r tôm tơdrong đơ̆ng Đảng, tơdrong chĕp pơgơ̆r đơ̆ng Kơdră tĕh đak, tơdrong drơ̆ng mĭnh nơ̆r vei lăng đơ̆ng Khŭl kơdră chĕp pơgơ̆r tĕh đak.

Adoi hơnơ̆ng jang kiơ̆ kơ jăp trong bơ̆ jang đơ̆ng Đảng, khôi luơ̆t tĕh đak găh vei lăng sơđơ̆ng tĕh đak.; ƀô̆h hơdăh trong tơlĕch jang vei lăng sơđơ̆ng dơ̆ng kơ jăp tĕh đak ‘nŏh jing kăl hlŏh. Kơdră chĕp pơgơ̆r Tĕh đak Nguyễn Xuân Phúc athei Khŭl vei lăng sơđơ̆ng kon pơlei jang kiơ̆ jơnei trong jang: Sơđơ̆ng dơ̆ng kơ jăp, kăl tang găn hơlâu đơ̆ng hrôih, đơ̆ng atăih, dôm tơdrong hơmơt pơm ăn đei tơdrong ư̆h sơđơ̆ng; iŏk tang găn hơlau vei kơ jăp găh lăm ‘nŏh tơm hlŏh, lơ̆m au vei lăng sơđơ̆ng tĕh đak kăl jing tơdrong gĭt kăl hlŏh vă tơ iung pơjing păng atŏk tơ iung tĕh đak.

Tơblơ̆ nơ̆r: Amazưt