VOV4.Bahnar - Oei pă je# 20 năr dơ\ng, Hop ako\m Đảng ja#p teh đak ‘măng mă 12 kơ Đảng đei pơgơ\r. Adrol kơ ‘măng hop ako\m, kang [o#, đảng viên păng kon pơlei to\k bo\k oei hơpơi păng lui ngeh đơ\ng Hop ako\m gô hơto\k pơ ‘lơ\ng Đảng rơgoh hlăng ‘lơ\ng, kjăp kơtang; che\p vei jơhngơ\m pran kơ tôm hơdrung hơdre\ch păng rơngei hiôk hian kiơ\ chủ xã hội chủ nghĩa; pơtru\t kơtang tôm tơdrong tơplih jang ‘nao; vei kjăp teh đak. Mă kăl noh, kon pơlei lui ngeh ‘măng Hop ako\m gô pôk đei dôm bngai rơgei, hăm đon bơnôh dơnưp, kh^n pơm jang vă ‘nhăk teh đak yak hloh tơnap tap yuơ tơdrong jang tơ iung pơjing teh đak, yuơ tơdrong erih kon pơlei păng vei lăng xđơ\ng tôm hơgăt teh kơ teh đak.  

 Đơ\ng xơ\, Luật sư Lê Đức Tiết duh tam mă lai yơ pơdơh pơdei lơ\m tơdrong jang, adoi oei tơre\k truh tơpôl kơ teh đak. Luật sư Lê Đức Tiết akhan: Xơnăm 2015 teh đak đei lơ tơdrong hiôk, atu\m hăm noh adoi đei lơ tơnap tap. Vă che\p vei tơdrong đei jơnei, yak hloh tơnap tap kon pơlei lui ngeh ‘măng Hop ako\m Đảng tơle\ch trong jang tơplih ‘nao găh teh, pơtho pơhrăm, vei xđơ\ng tơpôl teh đak păng cham char …Adrol kơ ‘măng Hop ako\m Đảng, kon pơlei tơre\k lơ găh tơdrong tơjră xa pơj^p, hoach kư\ kă. Kơlih tơdrong erih ăn [ôh đei tơdrong hoach tih tên găh jên hu, teh, hoach găh jơ ‘năr păng bngai jang. Kiơ\ kơ Luật sư Lê Đức Tiết, kơtơ\ng ang găh tơdrong chih tơbang mu\k drăm duh oei xkơ\t ăh lơ jăl jang. Kdră kpal athei yuk trong hơlâu vă tơ\ hơla lăng băt. Ưh kơ kăl tơplih trong chih tơbang mu\k drăm po kơlih kơluơ\t hlôi pơkăp hơdăh. Adrol hloh noh rim ‘nu kang [o#, Đảng viên athei chih tơbang mu\k drăm lơ\m tơring po vă kon pơlei chă apinh. Atu\m hăm noh, Hop ako\m mă 12 kơ Đảng athei rơih bngai rơgei đei đon bơnôh dơnưp, kh^n jang vă ‘nhăk teh đak klaih đơ\ng tơnap tap yuơ tơdrong tơ iung pơjing teh đak, yuơ tơdrong erih ăn kon pơlei: “Lơ\m Hop ako\m Đảng ‘măng mă âu rơih đei bngai jang rơgei, bngai rơgei mă đei kon pơlei lui yom ‘mêm kơ eng păng jing bngai rơgei lơ\m tơdrong jang vă teh đak ato\k tơ iung. Bngai rơgei ưh kơ đei jo# găh xơnăm, ưh kơ đei jo# kơchư\k jang xo hlôi jang yă kiơ. Kon pơlei ưh kơ đei gơnơm yă kiơ mă gơnơmd dei bngai rơgei kiơ\ kơ kon pơlei noh hlôi vao noh dôm bngai jang lơ\m Anih tơm Ch^nh tr^, bngai jang lơ\m Trung ương athei yuk trong hơlâu lơ\m tơdrong jang hơdăh găh mu\k drăm po. Noh jing tơdrong mă kon pơlei ‘meh vă vă pơm trong ăn tơdrong tơjră xa pơj^p hoach kư\ kă”.

“Che\p vei jơhngơ\m pran kơ hơdrung hơdre\ch păng rơngei hiôk hian xăh ho#i  chủ nghĩa” duh jing tơdrong mă kon pơlei tơre\k kăp g^t, hơpơi đei lơ\m ‘măng hopa ko\m âu. {ok Đỗ Duy Thường, Pho\ kdră Anih jang tơgu\m găh kơluơ\t, lơ\m Anih jang Trung ương Mặt tra#n tổ quốc Việt Nam akhan: Hla bar pơkăp tơbang ăh ‘măng Hop ako\m mă 12 kơ Đảng ‘măng âu hlôi pơih xă rơngei hiôk hian xăh ho#i chủ nghĩa. Mă lei, tơdrong rơngei hiôk hian adrol hloh noh hơto\k xơnong pơm tơm ăn kon pơlei, ‘nhăk tơdrong jơnap ăn kon pơlei. Mă kăl noh, athei pơih xă tơdrong rơngei hiôk hian lơ\m Đảng, lơ\m Jơnu\m pơgơ\r teh đak:“Kon pơlei ‘meh vă teh đak pơtoi pơih xă rơngei hiôk hian, ‘meh jang keh tơdrong hiôk hian noh athei đei kơluơ\t pơkăp. Inh pơtruh nơ\r hăm teh đak tơle\ch dôm kơluơ\t đei tơre\k truh xơnong hiôk hian ăn kon pơlei, xơnong pơm tơm kơdih ăn kon pơlei mă kơluơ\t hlôi pơkăp. Tơdrong hơlen jang đơ\ng Anih jang tơm kơ teh đak, bngai jang tang măt yuơ kon pơlei pôk, kang [o# kpal kơ teh đak, thoi noh mă gơh tơbang tơdrong hiôk hian đơ\ng kon pơlei lơ\m tơdrong pơjing pơ ‘lơ\ng Đảng, pơ ‘lơ\ng jơnu\m pơgơ\r teh đak”.  

 Đơ\ng tơdrong jang kơ minh ‘nu bngai jang tơguăt hăm tơdrong jang kon kông lơ\m lơ xơnăm, [ok Lù Văn Que, xơ\ bơ\ Pho\ kdră Anih jang găh hơdrung kon kông akhan: ‘Meh vă tơguăt ako\m đei hơdrung bngai kon kông păng dôm tơdrong khop athei băt hơdăh păng jang tơnăp dôm tơdrong tơchơ\t, trong chă tơguăt tơguăld dơ\ng Đảng păng {ok Hồ hlôi pơtho, athei io\k tơdrong tơchơ\t atu\m pơm anih jang tơm, athei io\k tơdrong hơlen hơto\ hơnơ\ng tơdrong pơyua ăn rim bngai lơ\m tơpôl. Mưh lai yơ, tơ\ tam mă hơlen hơto\ hơnơ\ng tơdrong pơyua noh tơnap đei tơdrong hơto\ hơnơ\ng păng tơguăt tơguăl tơpă. Atu\m hăm noh, athei băt hơdăh đon bơnôh kon pơlei, pơjing đon kơche\ng tơguăt tơguăl đơ\ng {ok Hồ lơ\m jơhngơ\m đon kon pơlei, pơjing hăp jing tơdrong kơdih pơm jang tơguăt, [ơ\t doh jơhngơ\m pran tơguăt tơguăl đei tơpă. {ok Lù Văn Que akhan: “ ‘Meh vă tơguăt băl adrol hloh athei jang tơnăp tơdrong rơngei hiôk hian, tơre\k hơlen tơnăp tơdrong pơyua ăn kon pơlei. Xek tơlang tơdrong rơngei ‘nao tơguăt tơguăl. Đei hiôk hian ‘mơ\i pơtơm đei drơ\ng nơ\r, đei drơ\ng nơ\r ‘mơ\i pơtơm đei tơguăt tơguăl, mă lei ke\ hơlen hơto\ hơnơ\ng tơdrong pơyua noh pơtơm ke\ tơguăt tơguăl. Tơdrong athei hơlen hơto\ hơnơ\ng tơdrong pơyua đơ\ng rim kon pơlei lơ\m tơpôl, đơ\ng hơdrung bngai âu hăm bngai nai. Inh akhan âu jing tơdrong tơm kơ tơdrong mă âu”.    

Vă jang đei jơnei dôm tơdrong tơchơ\t ato\k mu\k drăm tơpôl, tơdrong kăp g^t noh kăl đei kang [o# gơh rơgei, băt xkơ\t trong pơm jang. Kiơ\ đơ\ng Hop ako\m, ‘meh vă hloh đơ\ng kon pơlei noh hơto\k pơ ‘lơ\ng Đảng tơpă rơgoh hlăng ‘lơ\ng, kjăp kơtang; mưh ưh kơ jang tơnăp tơdrong mă âu noh jing tơnap tap tih tên hloh hăm xơnong pơgơ\r jang đơ\ng Đảng. Adrol kơ Hop ako\m Đảng mă 12, kon pơlei tơ\ dêh char Bắc Ninh tơre\k păng hơpơi ‘măng Hop ako\m pơm trong pơtoi tơplih ‘nao găh hơto\k mu\k drăm tơpôl, mă kăl noh tơre\k găh pơyua lơ\m tơpôl păng vei rơgoh cham char. {ok Nguyễn Văn Hùng, Pho\ Kdră anih jang Mặt tra#n tổ kuôk dêh char Bắc Ninh akhan: “Nhôn hơpơi ‘măng Hop ako\m mă 12 đei lơ trong jang dơnơm tơre\k truh pơyua ăn tơpôl vă hơto\k tơdrong erih ăn kon pơlei. Lơ\m noh, tơre\k kăp g^t truh kon pơlei hin dơnuh, dôm bngai erih adro#, tơnap tap. ‘Meh vă đei dôm trong ang hơdăh găh cham char vă pơjing cham char rơgoh ‘lơ\ng truh rim tơring kon pơlei, rim anih jang".

Đơ\ng ro\ng je# 30 xơnăm tơplih ‘nao, teh đak bơ\n hlôi đei io\k jơnei tih tên, kăp g^t kơ hnưr erih tơ\ jăl trong tơ iung pơjing Chủ nghĩa xã hội păng vei lăng teh đak. Mă lei, jăl trong tơ iung pơjing Chủ nghĩa xã hội tơ\ teh đak bơ\n duh oei ataih păng lơ tơnap tap. Yuơ noh mă Hop ako\m ‘măng 12 kơ Đảng truh âu kơnh, kon pơlei hơpơi Đảng gô tơle\ch lơ trong jang tro\ [lep, pơih đei hơyak nơnăm pran lơ\m hơto\k mu\k drăm tơpôl. Mă hăt noh kiơ\ đơ\ng Hop ako\m rơih đei bngai jang rơgei, đei đon bơnôh dơnưp, kh^n xkơ\t jang vă pơjing teh đak roi năr roi pơdro\ng pran kơtang, ato\k tơ iung kjăp.

Lan chih păng rapor