Đắk Lắk hơtŏk tơdrong jang hơdoi hăm UNESCO păng FAO vă vei lăng păng atŏk tơiung choh jang xa kơjăp ‘lơ̆ng
Thứ hai, 14:15, 20/04/2026
VOV Tây Nguyên/Dơ̆ng tơblơ̆
VOV Tây Nguyên/Dơ̆ng tơblơ̆
VOV.Bahnar – Tơ̆ phường Buôn Ma Thuột, kơdră chĕp kơ̆l Anih vei lăng kon pơlei dêh char Đắk Lắk sơng păng bơ̆ jang hăm khul jang đơ̆ng UNESCO păng FAO yoa ƀok Jonathan Wallace Baker, Kơdră tang măt ăn UNESCO tơ̆ Việt Nam păng ƀok Vinod Ahuja, Kơdră tang măt ăn FAO tơ̆ Việt Nam chĕp kơ̆l, ƀlep ƀât vang truh Hop akŏm Tơmam kăp gĭt Cheh phe apŭng plenh teh pơgơ̆r tơ̆ Đắk Lắk.
Tơ̆ jơ bơ̆ jang, kơdră chĕp kơ̆l dêh char Đắk Lắk athei UNESCO hơnơ̆ng tơgŭm pơm hla ar vă athei chih tơbăt tơmam kăp gĭt “Đon hlôh vao mưh pơtăm păng pơm tơlĕch tơmam cheh phe Đắk Lắk”, atŭm hăm ‘nŏh pơm hla ar Groi teh gĭt kăl găh Hơlĕch dêh char, năm truh hơnăn Groi teh gĭt kăl jơ̆p plei teh.
Ƀok Jonathan Wallace Baker, Kơdră tang măt ăn UNESCO tơ̆ Việt Nam ăn tơbăt, UNESCO gô tơgŭm ăn Đắk Lắk pơm hla ar “Đon hlôh vao mưh pơtăm păng pơm tơlĕch tơmam cheh phe Đắk Lắk” tơroi ăn UNESCO hơlen năng chih tơbăt tơmam kăp gĭt. Atŭm hăm ‘nŏh, anih âu kŭm hơnơ̆ng yak hơdai hăm tơring vă pơm dôm hla ar nai, lơ̆m noh đei hloi Groi teh gĭt kăl.
Viết bình luận