Năr Kơsâp hla ar păng Tơdrong joăt đŏk hla ar sơnăm 2026 pơgơ̆r hăm dôm tơdrong jang: asong hla ar ăn hnam trưng hŏk, pơjao hŏk ƀŏng ăn hŏk tro yak hloh pơmat tat hŏk hơgei; roi tơƀôh hla ar păng pơma dơnuh hăm bơngai pơcheh... Iŏk hŏk tro pơm tơ ‘ngla, pơm bơngai pơvih pơvăn, năr hla ar sơnăm ‘nâu ‘noh jĭ ‘măng lăng vă kơbăt đei yua hăm hŏk tro dôm Hnam trưng hŏk jăl 3, jăl 2, jăl 1 lơ̆m phường Phú Yên.

Kiơ̆ kơ bơngai chih pơđơ̆k Niê Thanh Mai, Kơdră vei lăng Khŭl Joh ayŏ kơdŏ soang dêh char Đắk Lắk, Năr Kơsâp hla ar păng Tơdrong joăt đŏk hla ar sơnăm 2026 jing tơdrong jang joh ayŏ hăm bơngai ‘meh đŏk hla ar păng pơđĭ tơpôl; pôk pơ ư dôm kơjă kăp gĭt đơ̆ng hla ar, tơƀôh hơdăh hơnăp jang tơm păng tơdrong gĭt kăl đơ̆ng hla ar lơ̆m tơdrong hơrih tơpôl.