Đon pơhnŏng truh sơnăm 2050 hơnhăk tơdrong chă tơmang lăng Đắk Lắk jing hơnăn đei ư hơnhang; jĭ anih chă tơmang lăng tơ̆ bri brăh, pơdơ̆h ngôi, truh lăng tơdrong jŏh ayŏ kơ dŏ xoang păng chă tơmang lăng tơ̆ đak dơsĭ ‘lơ̆ng hơiă. Dôm bơngai tang măt oei tơgop nơ̆r găh tơdrong chih hơdăh trong pơjing Anih chă tơmang lăng đơ̆ng rŏng kơ tơmât hơdai; pơm hơdăh trong jang hơdoi Hơlĕch - Pơmât; chih hơdăh dôm tơmam ‘lơ̆ng pơyoa ăn chă tơmang lăng kơ dêh char.

Pơma pơtôch hop akŏm, ƀok Đào Mỹ, Phŏ Kơdră vei lăng kon pơlei dêh char Đắk Lắk athei anih jang roi tơƀôh, hơnơ̆ng chih iŏk rim nơ̆r tơgop, hơnơ̆ng hơmet pơ ‘lơ̆ng trong jang, pơm hơdăh anih dơ̆ng, hơnăn chă tơmang lăng kơ Đắk Lắk lơ̆m tơring păng lơ̆m teh đak; pơjing đei dôm tơmam ‘lơ̆ng pơyoa ăn chă tơmang lăng hơdai đơ̆ng bri kông hăm đak dơsĭ kiơ̆ trong “mĭnh trong yak – ƀar anih truh ‘lơ̆ng rŏ”, tơguăt kơjăp anih chă tơmang lăng Hơlĕch - Pơmât.