Tơ̆ pơgơ̆r, Khul chĕp pơgơ̆r hlôi tơlĕch ‘măng pơlong “Ŭnh hnam Tơplih kơsô̆” vă lang să tơdrong ‘lơ̆ng rŏ kơ ŭnh hnam lơ̆m chăl kơsô̆. Đơ̆ng rŏng 25 sơnăm tơlĕch jang bơ̆ jang ŭnh hnam, tơdrong jang tơ iung pơjing ŭnh hnam hơrih sa ‘lơ̆ng hlôi lang să kơtang truh rim pơlei pơla, koeng kơphô̆ lơ̆m dêh char Đắk Lắk. Mă lei, tơ̆ hơnăp tơdrong atŏk tơ iung tĕnh koăng kơ tơpôl chăl hle, pleh ploh dih băl jơhnơr roi kơtang, mạng tơpôl pơm ăn tơgoăt pơvei dih băl sa pă gan kơjăp. Lơ̆m jơ ‘năr ou, Hơnih vei lăng Joh ayŏ kơdŏ soang, Đă ƀŏng lŏng tơplŏng kơdou păng Tơmang pơhiơ̆ dêh char Đắk Lắk tơlĕch ‘măng pơlong “Ŭnh hnam tơplih kơsô̆” sơnăm 2026 vă pơm hơtŏk hlôh vao, băt iŏk yoa kmăi kmŏk kơsô̆ ăn rim unh hnam; pơtrŭt iŏk yoa kmăi kmŏk lơ̆m hŏk pơhrăm, jang sa, mơdro sa păng vei lăng năng tông jơhngơ̆m jăn. Hơnih vei lăng kon pơlei dêh char  Đắk Lắk hôn bơnê kơtang tơdrong gĭt kăl kơ ‘măng pơlong păng athei tơlĕch jang kiơ̆ ‘măng pơlong tơpă ‘lơ̆ng hơ iă.