Năr joh ayŏ yoa đơ̆ng Anih tơm vei lăng joh ayŏ kơ dŏ xoang, tơplŏng kơdâu păng chă tơmang lăng jang hơdoi hăm Anih vei lăng kon pơlei dêh char Khánh Hòa pơgơ̆r, akŏm đei hlŏh 1.000 ‘nu ngê̆ nhơ̆n, bơngai hơri hơxoang, kon pơlei đơ̆ng dôm dêh char Khánh Hòa, Gia Lai, Đắk Lắk, Lâm Đồng, An Giang, Tây Ninh păng plt Hồ Chí Minh.

Anih pơgơ̆r hơpăh 117 mê đai măih, 117 mê đai hu, 234 mê đai kong ăn dôm tơdrong thi tơplŏng kơdâu; hơpăh 19 yaih A, 19 yaih B păng 20 yaih C ăn dôm tơdrong joh ayŏ kơ dŏ xoang, chă tơmang lăng. Năr jŏh ayŏ jĭ tơdrong jang gĭt kăl vă tơlĕch jang kiơ̆ tơdrong tơchơ̆t kơsô̆ 80 đơ̆ng Anih tơm Chinh trĭ găh atŏk tơiung jŏh ayŏ kơ dŏ xoang Việt Nam, tơƀôh hơdăh hơnăp jang đơ̆ng jŏh ayŏ kơ dŏ xoang lơ̆m tơdrong juăt, arih xa kơ bơngai Chăm, jĭ jơ hngâm hưch hanh, jơhngâm pran gĭt kăl vă jang tŏk hrenh păng pran kơjăp.