Rim anih chă tơmang lăng rơgei đơ̆ng dêh char Lâm Đồng dang ei hlôi đei chih tơmât đei vă jê̆ 1.700 anih tep pơdơh, 928 anih et xa, 283 anih chă tơmang lăng, 137 anih răt tơmam, 617 anih ngôi pơchơt păng 644 anih pơvih lơ̆m tơpôl.

‘Nâu jĭ tơdrong gĭt kăl vă pơvih ăn tơdrong vei lăng teh đak, tơlĕch trong roi tơƀôh tơdrong chă tơmang lăng, atŭm hăm ‘nŏh tơroi tôm tơdrong găh anih truh păng dôm tơdrong pơvih pơvăn ăn kon pơlei, tơmoi chă tơmang lăng. Yă Lê Thị Trúc Linh, Phŏ Kơdră Anih jŏh ayŏ kơ dŏ xoang, tơplŏng kơdâu păng chă tơmang lăng dêh char Lâm Đồng, ăn tơbăt, tơring oei tơlĕch trong chih pơjing mã QR roi tơbăt tơ̆ lơ anih chă tơmang lăng đei ư hơnhang ang hơnhăk tơ̆ tơring.