Tơdrong pơgơ̆r ou tôch gĭt kăl vă kơ kuh chơt hơ iă tơbăt 80 sơnăm Năr Ƀok Hô pơtruh kơthơ ăn Hop akom tih rim hơdrĕch hơdrung kon kông tơring găh Pơbăh tơ̆ Pleiku păng 51 sơnăm Năr Rơngei tơring Pơbăh, Teh đak rơngei keh kong. Tơdrong kăl kơ pơgơ̆r ‘noh pơjing dơ̆ng tơbăt ăn kơthơ Ƀok Hô pơtruh ăn kon pơlei rim hơdrĕch hơdrung kon kông sơnăm 1946. Dôm nơr chă pơkă găh jơhngơ̆m đon tơgoăt tơgoăl kơjăp, vei lăng dih băl kơjăp ƀar păh rim hơdrĕch hơdrung hơnơ̆ng đei sơkơ̆t hơdăh jĭ tơdrong gĭt kăl hlŏh lơ̆m chăl hrei ou. Tơdrong pơgơ̆r Joh ayŏ kơdŏ soang đei pơjing tôch ‘lơ̆ng rŏ trŏ lăp. Tơdrong oei sa joăt joe Tây Nguyên đei pơjing dơ̆ng ‘moi kiơ̆ tôn chĭng chêng, tôn reh tơmam tôn reh ‘lao pơ o, rim la boa hơri kơ kon pơlei pơla.