Gia Lai tơlĕch jang pơjing hơnih chă tơmang lăng ưh kơ đei ‘nhui hơ̆t
Thứ ba, 08:34, 23/06/2026
VOV Tây Nguyên/Thuem tơblơ̆
VOV Tây Nguyên/Thuem tơblơ̆
VOV.Bahnar - Tơ̆ phường Quy Nhơn, Anih jang găh Chă tơmang lăng Teh đak Việt Nam jang hơdai hăm Anih tang găn pơrăm đơ̆ng hơ̆t hla (Anih tơm vei lăng jang pơgang) păng Anih vei lăng Joh ayŏ, Tơplŏng kơdâu păng Chă tơmang lăng dêh char Gia Lai pơgơ̆r lêh tơlĕch jang “Pơjing hơnih ưh kơ đei ‘nhui hơ̆t tơ̆ hơnih chă tơmang lăng păng hơnih ƀĭch pơdơh chă tơmang lăng”.
Tơdrong jang vă hơtŏk ‘lơ̆ng đon hlôh vao đơ̆ng tơpôl, naih mơdro sa păng chă tơmang lăng găh pơjing hơnih chă tơmang lăng sơđơ̆ng, hơgei, ‘lơ̆ng hăm jơhngơ̆m jăn; tơgop pơtrŭt hơtŏk tơiung chă tơmang lăng rơgoh, kơjăp.
Pơma tơ̆ jơ pơm lêh, kơdră chĕp kơ̆l Anih jang găh Chă tơmang lăng teh đak Việt Nam tơbăt, kŭm hăm tơdrong hơgăt jang tŏk găh kơsô̆ tơmoi păng iŏk yua, anih jang chă tơmang lăng tŏk bŏk akŏm hơtŏk ‘lơ̆ng hơnih truh kiơ̆ trong jang tŏk rơgoh, đei hơnăp jang păng kơjăp. Tơdrong rơih iŏk Gia Lai - tơring iŏk pơgơ̆r Sơnăm Chă tơmang lăng Teh đak 2026 - pơm hơnih tơlĕch jang vă păr ang nơ̆r pơma pơjing hơnih chă tơmang lăng ưh kơ ‘nhui hơ̆t lơ̆m teh đak.
Viết bình luận