Giĕng jŏh ayŏ kơ dŏ xoang tơguăt đĭ đăng hơdrĕch hơdrung kơ dêh char Đắk Lắk sơnăm ‘nâu vă pơgơ̆r đơ̆ng ‘năr 17 truh 24/11, tơ̆ phường Buôn Ma Thuột, phường Tuy Hòa, phường Ea Kao păng 1,2 tơring nai. Lơ̆m noh, lêh pơih blŭng tơ̆ dêh char vă pơgơ̆r lơ̆m kơmăng ‘năr 20/11 tơ̆ Anih ‘măn răk tơmam Đắk Lắk hăm tơdrong hơri hơxoang hơdai hăm tôn chĭng chêng, tơroi hơ ‘mon, hơri brông, hơri chòi păng dôm tơdrong joh ayŏ kơ dŏ xoang kơ tơring tơter đak dơsĭ.

Lơ̆m jơnăr âu, kon pơlei păng tơmoi chă tơmang lăng tơ̆ Đắk Lắk gơ̆h truh lăng dôm tơmam kăp gĭt đơ̆ng kră sơ̆, truh akŏm lơ̆m Năr tanh brai vai khăn păng hrŭk pơrŏ hơbăn ao tanh, chă dăr lăng tơ̆ Trong huch cheh phe, truh hăm giĕng pơm phim păng dôm tơdrong jŏh ayŏ, chă đŏk ngôi hla ar. Kŭm hăm ‘nŏh, Năr tơguăt đĭ đăng kon pơlei kơ dêh char gô đei pơgơ̆r lơ̆m ‘năr 18/11 tơ̆ phường Ea Kao.