Tơdrong jang pơgơ̆r lơ tơdrong bơ̆jang joh ayŏ, tơplŏng kơdâu păng chă tơmang lăng ‘lơ̆ng hơiă kơ tơring lơ̆m pơyan pơdơh he kơ sơnăm Chă tơmang lăng teh đak - Gia Lai 2026, sơng đei rơbâu ‘nu kon pơlei păng tơmoi chă tơmang lăng vang truh akŏm. Kơmăng pơgơ̆r pơih blŭng lêh đei pơm tôch kơ hơlen, hăm lơ kơmâu hơiă joh ayŏ kơdŏ soang ‘lơ̆ng rŏ hăm hơnăn “Gia Lai – Pơyan hơvơi krao”, hơnhăk tơmoi lơ̆m chă lăng tơdrong ‘lơ̆ng hơiă cham char, joh ayŏ păng kon bơngai kơ tơring teh Gia Lai.

Lơ̆m jơ năr pơm lêh Chă tơmang lăng pơyan he 2026 oei đei lơ tơdrong jang joh ayŏ, tơplŏng kơdâu ‘lơ̆ng hơiă nhen Pơlong tơpăr Klang pơrŏ tơ̆ hơnih đak dơsĭ Xuân Diệu, kŭm hăm tơdrong sa tơmam sa ‘lơ̆ng 3 tơring hăm hloh 60 kơdeng tơmam păng tơdrong tôn chĭng chêng hơtuch giĕng tơ̆ Pleiku păng dôm tơdrong jang tơplŏng kơdâu kră sơ̆ nhen prăh hră, tŭn ‘long, kơdâu hao ‘long chhơng.