Hơdah hloh lơ̆m tơdrong akŏm truh ou kơnh noh Tơdrong pơlong Tơmang pơhiơ̆ dơsĭ Khánh Hòa 2026 hăm hơnăn “Đak kơ-ang dơsĭ – Pơih să lơ̆m kơpal teh”, kơchĕng gô vă pơgơ̆r ah khei 7. Lơ̆m tơdrong pơlong gô pơgơ̆r lơ tơdrong akŏm nhen yak pơrŏ trong kơphô̆, pơdah joh hơri apŭng plenh teh, lêh akŏm ao tai, akŏm tơmam xa; pơma đam gah tơmang pơhiơ̆ hăm duk apŭng plenh teh, pơdah um rup joh ayŏ, lêh akŏm tơpăr klang, lêh akŏm plei 'long xa păng dôm tơdrong tơplŏng kơdou tơ̆ đak dơsĭ...

Atŭm hăm noh, dêh char adoi hơmet pơgơ̆r Năr akŏm Joh ayŏ kon kông dêh char Khánh Hòa 2026, đei pơhlom 35 hơnih jang vang akŏm. Sơkơ̆t hơdah tơmang pơhiơ̆ jĭ minh lơ̆m 4 tơdrong dơnơm kơ mŭk drăm, Khánh Hòa hlôi tơlĕch tơchơ̆t hơtŏk tơ-iung, rơih asong jang tơm vă pơjing hơnăn tơmam drăm hơdrô̆ ăn tơmang pơhiơ̆ hăm tơchơ̆t kăp gĭt lơ̆ma pŭng plenh teh.