Festival pơgơ̆r đơ̆ng năr 17 truh năr 19/7 tơ̆ phương Nha Trang păng lơ tơring lơ̆m dêh char, hăm hloh 40 tơdrong pơgơ̆r joh ayŏ kơdŏ soang, đă ƀŏng lŏng tơplŏng kơdou păng tơmang pơhiơ̆; rim tơdrong pơgơ̆r druh kiơ̆ pơdui đunh đơ̆ng năr 10/7 truh năr 10/8. ‘Nou jĭ ‘măng mă blŭng đơ̆ng rŏng 11 ‘măng pơgơ̆r đei tơplih hơnăn đơ̆ng Festival Đak dơsĭ Nha Trang - Khánh Hòa jing Festival Đak dơsĭ Khánh Hòa păng đei pơgơ̆r hơnơ̆ng tơplih ăn 2 sơnăm pơgơ̆r mĭnh ‘măng. Tơdrong kăl kơ Festival ‘noh 3 tơdrong pơgơ̆r tih đei pơgơ̆r hơnơ̆ng lơ̆m 3 năr. Pơm lêh pơgơ̆r blŭng a lơ̆m gơmăng năr 17/7 đei proh hơmet tôch tih tên, iŏk yoa kmăi kmŏk, pơdăh 3D Mapping atŭm hăm soh kơmlăi pơkao. Gơmăng năr 18/7 pơgơ̆r pơm lêh Carnival păng pơrŏ gre pơkao tơmang pơhiơ̆ yak tơ̆ trong gre Trần Phú. Pơgơ̆r pơtôch đei pơgơ̆r lơ̆m gơmăng năr 19/7 atŭm hăm pơgơ̆r Joh hơri apŭng plĕnh teh "Togoăt dih băl apŭng plĕnh teh". Festival sơnăm ou đei vang năm đơ̆ng lơ bơngai joh hơri đe ư hơnhang ang hơnhăk atŭm hăm rim khul joh hơri lơ̆m teh đak păng teh đak đe.