Lơ̆m prăt 1 khei ou ki, tơdrong pơgơ̆r kơ dêh char păng vă jê̆ 50 tơdrong pơgơ̆r, tơdrong pơgơ̆r tơ̆ rim tơring, phương, tơring kăl. Rim tơdrong pơgơ̆r joh ayŏ kơdŏ soang, đă ƀŏng lŏng tơplŏng kơdou, tơmang pơhiơ̆ lơ̆m Khei Tơmang pơhiơ̆ hlôi pơjing đei hơyak hơ iă, hơvơn đei 1 triu 800.000 ‘nu tơmoi, lơ̆m ou dang 75.000 ‘nu tơmoi teh đak đe truh năm tơmang pơhiơ̆. Ƀok Đinh Văn Tuấn, Kơ iĕng Kơdră chĕp pơgơ̆r Hơnih bơ̆ jang vei lăng kon pơlei dêh char  Lâm Đồng sơkơ̆t hơdăh, Khei tơmang pơhiơ̆ dêh char Lâm Đồng ưh khan lăp dôm trong pơgơ̆r hơ iă ăn tơmoi tơmang pơhiơ̆, mă oei jing rơvơn vă pơm hơtŏk dôm tơdrong oei sa joăt joe ‘lơ̆ng rŏ sơ̆ ki kơ dêh char Lâm Đồng ‘nao đơ̆ng rŏng hơgrop, pơbĕch hơbal, phăl hơlăng.