Tơdrong hơ-iă kơ Kăch mang Khei 8 sơnăm 1945 atŭm tơdrong hơpơi 'meh đei jơnei pơgơ̆r kơdih đơ̆ng tôm kon pơlei đei pơdah kiơ̆ um rŭp tôm kon pơlei  Gia Lai atŭm hăm jơ̆p teh đak vei lăng tơdrong rơngei hiôk hian. Mă kăl, tơdrong pơdah “Ƀok Hô hơrih ling lang hăm Tây Nguyên” hlôi pơdah kơthơ mă Ƀok Hô chih pơtruh ăn 'măng Hop akŏm bơngai tang măt tôm kon pơlei kon kông tơring Pơbah đei pơgơ̆r tơ̆ Pleiku ah sơnăm 1946, atŭm hăm rŭp Ƀok Hô ang bang ah hơnê̆ bri kông, ƀơ̆r 'nă dơnưp dim nhen lĕ hơlen lăng hơyak jang hơtŏk tơ-iung kơ Gia Lai hrei ou.  

Pơtôch kơ tơdrong joh ayŏ noh đei tơdrong pơdah 'nao hơ-iă hơnăn “Vih hăm Gia Lai – Măt bang Pleiku” păng “Gia Lai – Anih akŏm tơdrong 'lơ̆ng”, pơdah kơ minh tơring teh giơ̆ng 'lơ̆ng, hơbĕch hơbal păng jang hơdoi. Kơmăng akŏm joh ayŏ kơdŏ suang pôk pơ-ư kơ tơdrong juăt jue păng hơpơi 'meh hơtŏk tơ-iung pran kơtang kơ tôm kon pơlei dêh char Gia Lai 'nao.