Pơm lêh Soi tơbeh Pơyan Puih ‘noh jĭ tơdrong pơgơ̆r bơnê kơ yang plĕnh yak đak, yang nak yang hrêr păng yang hơbang hlôi tơpơng ăn ‘mi rŏ tŏ hơlăng, jang sa đei iŏk yoa kơjăp. Jơ pơm lêh kơ yuơ Khul soi tơbeh Nam quan pơgơ̆r kiơ̆ tơdrong joăt joe sơ̆ ki, glơng ba ‘nhĕm ‘nhot soi tơbeh păng soh hlôt nhang ƀlŏk hơdơ̆r ăn đe mĕ ƀă yă ƀok sơ̆ ki. Rim bơngai tang măt hăm kon pơlei jei vang soh hlôh nhang, hơvơh hơpơi hơpơi ăn ‘mi rŏ tŏ hơlăng, jang sa iŏk yoa kơjăp, pran jăng grăng akou, hơrih sa hơnŭk hơnoa. Kiơ̆ kơ yă Võ Thị Phượng, Kơdră chĕp pơgơ̆r Hơnih Mong răk mŭk drăm dêh char Dak Lăk akhan, tơdrong pơgơ̆r ou ưh khan lăp vă vei răk, kiơ̆ yok dôm tơdrong oei sa ‘lơ̆ng rŏ joăt joe sơ̆ ki, mă oei tơƀôh tơbăt hơnih gru gra gĭt kăl dăr sơnăm tơklep hăm atok tơ iung tơmang pơhiơ̆ tơdrong joăt joe soi tơbeh kơyang ou to kơ tơring.