Lơ̆m 4 năr lêh Kuôk khănh sơnăm ou (đơ̆ng năr 30/8 – 02/9/2025), dêh char Đăk Lăk hlôi sơng jê̆ 100.000 'nu tơmoi truh tơmang pơdơh pơdơi, hăm pơhlom 44.000 'nu tơmoi truh oei, lơ̆m noh đei 1.000 'nu tơmoi đơ̆ng teh đak đe. Jên đei yua đơ̆ng tơmang pơhiơ̆ pơhlom 160 tih hlj. Lăm oei lơ̆m jơ̆p dêh char đei 55%, gah khăch sạn, homestay tơring tơjê̆ đak dơsĭ noh đei oei đơ̆ng 80 - 100%, tơdrong đei yua đơ̆ng tơmoi truh oei pơdơh lơ̆m jơ̆p dêh char đei hloh 28,5 tih hlj.

Ƀok Trần Hồng Tiến, Kơdră Anih jang Joh ayŏ, Tơplŏng kơdou păng Tơmang pơhiơ̆ dêh char Đăk Lăk ăn tơbăt, lơ̆m 'măng pơdơh lêh, dêh char hlôi pơtơm lơ tơdrong akŏm joh ayŏ, tơplŏng kơdou păng tơmang pơhiơ̆ vă hơvơn tơmoi truh tơmang lăng.