‘Nâu jĭ ‘măng mă blŭng 1 tơdrong thi kơdâu tih tơmât tơdrong juăt, roi tơƀôh hơnăn cheh phe Buôn Ma Thuột đei pơgơ̆r tơ̆ Đắk Lắk, akŏm đei lơ bơngai vang thi. Tôch tơdrong thi, Anih pơgơ̆r hơpăh tơmam ăn 5 ‘nu bơngai kơdâu hrĕnh, pran hlŏh lơ̆m dang 5km, 10km, hơdai hăm ‘nŏh pôk pơ ư dôm bơngai kơdâu pran kiơ̆ grŭp sơnăm kơdâu tơ̆ trong kơjung 21km.

Ƀok Lê Hoàng Phú, Phŏ Kơdră Anih vei lăng joh ayŏ kơ dŏ xoang, tơplŏng kơdâu păng chă tơmang lăng dêh char Đắk Lắk, ăn tơbăt, kŭm hăm khul kơdâu lơ̆m dêh char, tơdrong thi sơnăm ‘nâu kŭm sơng đei vă jê̆ 2.000 ‘nu bơngai vang thi truh đơ̆ng dôm dêh char, plt lơ̆m teh đak păng đơ̆ng teh đak đe, vang tơgop tưk tơiung tơdrong pơtâp pơhrăm hơkâu jăn lơ̆m tơpôl, atŭm hăm ‘nŏh roi tơƀôh um rup plt Buôn Ma Thuột păng hơnăn cheh phe Đắk Lắk truh hăm tơmoi tơ̆ jơ̆p jang tơring.