Hnam kjung kơ bngai Thái noh jinghnam xđơ\ng, ke\ chiu hăm hơyuh to# ‘mi ưh kơ xđơ\ng. Vă ke\ đei hnam kjung lăp kơ đon, bngai Thái rơih dôm kơloăi ‘long tơ\r kjăp vă bơ\ jrăng hnam, bơbư\ng bơ\ hăm gia. Hnam kjung hơnơ\ng kjung hloh kpal teh dang 2 mét, drơh hnam bơ\ hăm phat pơ o, dăh mă tơ\r. Um ru\p ưh kơ đei tơnap kiơ mă lei kjăp tôch dêh. Hnam kjung kră xơ\ kơ bngai Thái lai yơ duh đei rơvak 5 dăh mă 7, hnam gu\n [iơ\ nhen kơdu\ ro\ng kop oei dơ\ng. Kiơ\ kră xơ\ noh yang kop hlôi pơtho bngai Thái băt trong bơ\ hnam nhen um kop dơ\ng vă tang găn đak hơbông păng kon bri brăh pơrăm. “Khau cút” jing 2 hlak tơ\r pơchuă băl nhen um chư X ăh kơ\l hnam noh um pơtih kơ hơke kơpô, minh hdre\ch kon tơrong tơguăt hăm tơdrong erih jang [a na păng tơdrong tơroi kơ khei năr tơ iung pơjing tơring teh kơ bngai Thái găm tơ\ Mường Lò. Ăh rơvak tơm tong ane# hnam noh tơnuh unh. Hnam kjung juăt joe kơ bngai Thái găm noh đei 2 to\ kung ‘măn to\k păng jur phara băl, kung 7 tăl noh pơtih ăn pơhngol kơ bngai dro\ nglo oei kung 9 tăl noh pơtih ăn pơhngol bngai drăkăn.

Minh j^t xơnăm adrol ki, lơ hnam kjung kră xơ\ oei [ôh lơ tơ\ Nghĩa Lộ mă lei dang ei to\ xe\t hloh, pơtăl kơ noh jing lơ bơbu\ng hnam man, hnam teh păng hnam kjung kiơ\ trong ‘nao dang ei chrih pha. Lơ\m minh pơlei ie\ nhen Chao Hạ 1, xăh Nghĩa Lợi noh adoi [ôh hơdăh tơdrong mă âu. Lơ\m pơlei oei minh [ar to\ hnam kjung xo xơ\, pơtăl kơ noh jing bơbu\ng hnam ‘nao. Unh hnam mơlôh noh bơ\ hnam man, hnam teh hiôk hian hloh, oei dôm unh hnam oei lăp kơ hnam kjung noh tơplih lơ bơih pơtêng hăm um ru\p xo xơ\. Mă g^t noh đei unh hnam bơ\ hloi hnam 3 tăl hăm tơ\r pơtoi hăm bê tông, bơbu\ng kem, kjung ti ti ăh tong ane# pơlei. {ok Lò Văn Tuyên, bngai lơ\m unh hnam tơblang: Bơ\ thoi âu noh vă kơ rơngơp hloh, kjun gnoh lăng tơ\ mir na hiok hloh. Inh bơ\ pha hloh pơtêng hăm hnam kjung xo xơ\ mă lei duh ưh kơ đei yuhih le# dôm tơdrong kăl kơ hnam kjung juăt joe kră xơ\.

Duh tơ\ pơlei Chao Hạ 1, unh hnam pơmai Lò Thị Dựa ‘nao keh đang bơbu\ng hnam hơpơi ‘meh, đei kjă je# 900 triu hlj. Duh oei răk vei um ai xo kơ hnam kră xơ\, mă lei tơmam yua lơ\m hnam noh tơplih hơdăh. Tơ\r đei pơtăl hăm mam bêto\ng, drơh đei bơ\ hăm găch, bơbu\ng noh hăm kem fibrô xi măng pơtăl kơ bơbu\ng gia xơ\ ki, pơtăl kơ tơnuh unh noh đei hnam pai go\ pha, rôm hnam noh rơhơi kjung hăm dôm lăm phara băl... Pơmai Dựa ăn tơbăt, man thoi noh yuơ ưh kơ đei tơ\r, ưh kơ ke\ răt gia vă bơ\ bơbu\ng, păng duh ưh kơ gan đei bngai băt chă bieh um păng bơ\ nhen hnam xo xơ\ ki. Pơmai Dựa tơroi: Inh bơ\ hnam âu vă vei răk um ru\pjuăt joe xơ\, vă xơng tơmoi truh tơmang pơdơh pơdei păng oei xa atu\m hăm unh hnam. Mă lei yuơ tơdrong erih hlôi tơplih bơih. Mă lei adoi oei adrin răk vei um ai hnam xo noh đei um kơdu\ kop, adoikrao khau cút mơ\n… Hnam âu ‘meh vă tơmoi truh pơdơh ưh kơ đei chrih kơ đon.

Tơ\ pơlei Chao Hạ 1, hnam kjung kơ pơmai Lường Thị Chung nhen le\ oei răk vei um ai hnam xo juăt joe mă hlôi đei vih hơmet ming. Dang ei, hnam âu xơng đei hloh 200 ‘nu tơmoi truh tơmang rim xơnăm, adoi oei che\p vei um ru\p kră xơ\. Mă thoi noh lơ\m hnam âu, duh oei đei minh tơdrong tơplih, noh jing pă đei oei tơnuh unh nhen xo xơ\. Kiơ\ kơ pơmai Chung păng lơ unh hnam bngai  Thái noh dang ei tơdrong erih ‘nao ưh kơ ăn phep pơtoi tơdrong mă noh. Tơdrong mă bơ\ đei hnam kjung răk vei nhen um ru\p xo jing minh tơdrong adrin tih tên kơ unh hnam ‘nho\ng pơmai, lơ\m khei năr dang ei man hnam 2 tăl oei hiôk hloh kơ bơ\ minh pôm hnam kjung nhen um ai kră xơ\. Pơmai Lường Thị Chung tơroi:Găn ga khei năr dang ei hnam kjung juăt joe hlôi đei tơplih lơ bơih, mă lei inh duh oei răk vei um ru\p hnam xo thoi âu, vei răk um ai juăt joe kơ po. Nhôn [ôh hnam âu goăng noh nhôn athei vei răk. Nhôn adoi xơng đei lơ tơmoi truh tơmang tơ\ Nghĩa Lộ, Mường Lò noh lăp kơ hnam kjung nhôn âu.

Tơdrong hiôk [ôh băt noh ‘ngoaih kơ dôm unh hnam oei bơ\ hnam kjung hăm mam bêto\ng noh dang ei adoi oei đei lơ unh hnam ‘meh răk vei hnam kjung juăt joe xơ\, mă lei tơdrong kăl đơ\ng erih jang xa roi năr roi kjung păng lơ tơdrong tơre\k nai noh đe ye\t ưh kơ đei jang keh tơdrong mă âu.

                    Lan tơblơ\ nơ\r Bahnar.