VOV4.Bahnar  – Dêh char Lâm Đồng dơ̆ng mă 23 lơ̆m pơkăp PCI (tơdrong tơgar jang) xơnăm 2020, mă tơjur 1 tăl pơtêng hăm xơnăm 2019 mă lei pơtoi đei pơkăp lơ̆m khul dôm dêh char pran găh tơgar jang păng chĕp kơ̆l tơ̆ tơring Tây nguyên.

Hăm kơsô̆ pơkăp PCI xơnăm 2020 đei 64,43 điểm, tơjur 1,8 điểm pơtêng hăm xơnăm 2019, Lâm Đồng dơ̆ng ăh pơkăp 23 lơ̆m 63 dêh char, plei tơm lơ̆m jâ̆p teh đak. Kiơ̆ kơ ƀok Dương Quốc Anh, Kơdră Anih hơtŏk Axong jang, Tĕch pơdro păng Tơmang pơhiơ̆ dêh char Lâm Đồng, dôm xơnăm kơ âu, Lâm Đồng hơnơ̆ng adrin pơm kiơ̆ drơ̆ng minh lơ trong jang vă hơmet Kơsô̆ tơgar jang kơ dêh char. Tơdrong tơbang pơkăp PCI hlôi tơbang dôm tơdrong pran, tơdrong tơjruh hơdăh, kiơ̆ đơ̆ng noh jang tơnăp xơnong tơgŭm kơ po vă jơnŭm pơgơ̆r tơring pơjing dôm trong jang trŏ ƀlep hăm tơdrong kĕ đei vă hơmet pơ ‘lơ̆ng, tơgop hơtŏk PCI kơ dêh char lơ̆m khei năr truh.

Lan chih păng pơre nơ̆r