VOV4.Bahnar - Vă tơ gu\m, pơ tho tơ [ôh ăn đe tơ dăm bơ\h [ơm pơm yoch păng adrin tơ plih ming đon, oei xa hơ dai ‘lơ\ng hăm tơ pôl, sơ năm 2012, An^h jang đoan Dak Lak pơ jing Tơ drong jang “Tơ gu\m ăn tơ dăm bơ\h [ơm pơm yoch, đơ\ng ro\ng kơ hơ met et si-ke vang oei xa hơ dai hăm tơ pôl”. Đơ\ng ro\ng vă je# 5 sơ năm tơ le\ch jang, Tơ drong jang đei yoa ‘lơ\ng tơ gu\m ăn lơ tơ dăm đei jơ hngâm đon ‘lơ\ng dơ\ng.

Rim năr, tôch pơ ngeng hăm tơ drong jang kơ [ang tang do\, pơm pơ ‘lơ\ng ăn kơ băt dôm yơ u\nh hnam hăm lơ tơ mam đơ\ng tơ\r, ‘long, ‘nho\ng Trần Văn Sơn tơ\ xăh Ea Khanh, apu\ng Ea Hleo, dêh char Dak Lak ku\m nhen oei hơ met pơ ‘lơ\ng ăn tơ drong erih kơ dih kâu vă sut pơ đ^ dôm tơ drong yoch adrol sơ\.

Sơ năm 2008, ‘nho\ng Sơn đei An^h sek tơ lang sek phak 2 sơ năm 9 khei găh tơ drong yoch “Pơ lôch bơ ngai [ât oei ble\k jơ hngâm”. Lơ\m khei ‘năr oei tơ\ hnam phak, ‘nho\ng [ôh hơ dăh dôm tơ drong glăi đơ\ng kơ dih, ‘nho\ng tôch kơ ơ\h păng adrin hơ met jơ hngâm đon mă ‘lơ\ng vă gơ\h pơ jing dơ\ng tơ drong erih xa đơ\ng blu\ng.

{ât le\ch đơ\ng hnam phak, hu\t le# tơ drong hrơ mơ lou, ‘nho\ng adrin bơ\ jang vă hiơt hiong tơ drong yoch đơ\ng kơ ih kâu pơm sơ\. Blu\ng a ‘nho\ng tơ [âp lơ tơ drong mơ mat tat nhen: ưh kơ măh jên jang, ưh đei bơ ngai răt, m^nh kơ so# bơ ngai ưh kơ pơ\n tơ [âp ‘nho\ng… Mă lei gơ nơm kơ u\nh hnam, bôl boăl, khul đoan vang chă pơ lung, roi tơ [ôh, ‘nho\ng to\k io\k đei jên asong ăn bơ ngai bơ\h [ơm pơm glăi, hăm kơ so# jên 20 triu hlak jên vă pơih an^h pơm kơ [ang tang do\.

Đơ\ng jơ hngâm đon adrin, jang tơ năp, tơ drong jang ‘nho\ng ưh đei lai yơ kơ te\ch, hơ nhăk ăn io\k yoa roi đunh roi lơ. Hăm tơ drong jang hrei ‘nâu, ‘nho\ng Sơn đei tơ drong erih xa sơ đơ\ng, đei io\k yoa truh 150 triu hlak jên 1 sơ năm, chă tơ drong jang ăn 2 ‘nu bơ ngai nai, hăm jên khei ‘no\h 3 triu 1 khei.

‘Nho\ng Trần Văn Sơn pơ ma: “{ât ‘nao vih ki, inh oei hrơ mơ lou, mă lei gơ nơm io\k đei nơ\r pơ lung đơ\ng u\nh hnam, tơ drong pơ ngơ\t đơ\ng bôl boăl Đoan viên ku\m hăm khul kơ dră tơ ring, inh adrin năm jang ăn kơ đe, đang kơ ‘no\h to\k io\k jên vă pơih an^h jang kơ dih. Inh tơ che\ng lăp hơ dro# jang xa đei đe\ch gơ\h pơm ăn tơ drong erih xa hnam tơ no\ sơ đơ\ng păng pơ jing đon lui hăm bơ ngai ju\m dăr vă đe sư [ôh, dôm bơ ngai bơ\h [ơm pơm yoch nhen nhôn ku\m đei đon hơ pơi ‘me\h đei dơ\ng tơ drong erih xa ‘nao đơ\ng ro\ng kơ pơm glăi.”

Vă je# 5 sơ năm bơ\ jang tơ drong jang “Tơ gu\m ăn tơ dăm bơ\h [ơm pơm yoch, đơ\ng ro\ng kơ hơ met et si-ke vang oei xa hơ dai hăm tơ pôl”, lơ tơ dăm lơ\m dêh char io\k đei tơ drong tơ gu\m đơ\ng lơ an^h jang đoan, khul tơ pôl hăm lơ tơ drong tôch đei yoa, tơ gu\m ăn đe sư jing bơ ngai tơ păt ‘lơ\ng.

Mă lei, tơ drong jang vang pơ tho ăn bơ ngai yoch oei tơ dăm păng tơ gui\m ăn đe sư mât oei xa hơ dai ‘lơ\ng hăm tơ pôl đơ\ng An^h jang đoan dêh char Dak Lak păng Hnam phak Dak Tân, Dak Trung (An^h jang kơ so# 8 găh An^h tơm vei lăng Ko\ng an) chă pơ lung ăn lơ tơ drong pơm yoch hơ met pơ ‘lơ\ng jơ hngâm đon, adrin bơ\ jang mă tơ năp, jăh vih dơ\ng hăm hnam tơ no\.

Đại tá Lương Xuân Ngợi, Kơ dră vei lăng Hnam phak Dak Tân, apu\ng Mdrak ăn tơ băt: “Io\k yoa tơ drong ‘lơ\ng đơ\ng jang hơ doi hăm dôm khul gru\p, Khul druh dăm dêh char păng Khul vei lăng Hnam phak Dak Tân, Dak Trung hơ nơ\ng jang hơ doi kơ jăp vă pơ gơ\r jang ‘lơ\ng tơ drong ‘nâu. Chă pơ tho tơ [ôh ăn bơ ngai yoch vă đe o\h [ôh tơ drong g^t kăl đơ\ng mât oei hơ dai dơ\ng hăm tơ pôl, vă ưh đei bơ ngai yoch yơ đei hơ chăng vih, oei xa hơ dai hăm tơ pôl pơm glăi hơ lơ\k dơ\ng.”

Băt hơ dăh jơ hngâm đon đơ\ng lơ tơ dăm ‘nao le\ch đơ\ng hnam phak, khei ‘năr blu\ng a vih hăm tơ drong erih xa hmă tôch hrơ ‘mơ lou, dôm an^h jang đoan, Khul tơ\ Dak Lak tơ tom jet gia, pơ ma nuh, tơ [ôh trong ăn đe o\h vang oei xa hơ dai hăm tơ pôl.

Lơ\m 5 sơ năm tơ le\ch jang, ku\m hăm tơ drong vang jang hơ dai đơ\ng lơ an^h jang kơ pal tơ\ tơ ring, hlôi đei hlo\h 2.000 ‘nu tơ dăm đơ\ng ro\ng kơ oei lơ\m hnam phak đei roi tơ [ôh, chă ăn tơ drong jang. Lơ\m kơ so# ‘no\h đei hlo\h 200 ‘nu tơ dăm đei tơ drong jang sơ đơ\ng tơ\ dôm công ty, an^h te\ch mơ dro, hlo\h 23 ‘nu tơ dăm đei to\k io\k jên vă jang xa, hăm kơ so# jên vă je# 800 triu.

‘Nho\ng Y Nhuân Byă, Bí thư đoan dêh char Dak Lak ăn tơ băt, đei lơ tơ dăm jang kiơ\ tơ drong ‘nâu lơ\m khei ‘năr âu ki đei jơ hngâm đon, erih xa đei yoa păng hơ nơ\ng adrin bơ\ jang dôm tơ drong hơ pơi ‘me\h đơ\ng kơ dih dơ\ng. Tơ\ hơ năp kơnh, tơ drong tơ gu\m ăn tơ dăm bơ\h [ơm pơm yoch oei xa hơ dai hăm tơ pôl oei che\p vei hơ nơ\ng păng vă tơ plih ‘nao dơ\ng mă lăp hăm yăn âu.

‘Nho\ng Y Nhuân Byă ăn tơ băt: “An^h jang đoan jang hơ doi hăm an^h mong jên tơ gu\m tơ pôl, ‘măn ăn dôm boăl âu 1 kơ so# jên vă to\k io\k. An^h jang đoan dêh char oei hơ len năng anăn vă pơm hla ar tơ le\ch jên ăn đe đe boăl ‘me\h to\k io\k vă jang xa păng tơ gu\m ăn đe boăl io\k yoa jên đei to\k io\k tro\ hăm tơ drong jang.”

Hơ pơi ‘me\h, hăm tơ drong adrin đơ\ng rim an^h jang kơ pal, khul gru\p, tơ ring tơ rang lơ\m no\h đei tơ drong vang jang roi tơ năp đơ\ng Khul druh dăm dêh char Dak Lak gô tơ gu\m ăn lơ tơ dăm bơ\h [ơm pơm yoch, đe druh dăm păh iung ưh gan hlôh vao, jing bơ ngai hơ gei, đei đon ‘lơ\ng, erih xa đei yoa ăn hnam tơ no\ păng tơ pôl.

Dơ\ng: Tơ blơ\