VOV4.Bahnar  - Thủ tướng teh đak bơ̆n Phạm Minh Chính 'nao pơgơ̆r rim Anih jang tơm, rim tơring tơlĕch minh ƀar trong jang tenh kuăng vă tơgŭm tơtom ăn plei tơm Hồ Chí Minh păng minh ƀar dêh char, plei tơm găh pơbăh tơlĕch jang tơnăp dôm trong tang găn păng tơjră pơrang jĭ, vei xơđơ̆ng tơdrong erih ăn kon pơlei păng pơtoi dôm tơdrong jang mŭk drăm – tơpôl gĭt kăl lơ̆m tơring. Kiơ̆ kơ noh, Thủ tướng teh đak bơ̆n Phạm Minh Chính pơkăl rim Ƀô̆ trưởng, Kơdră Anih jang tơm, Kơdră Anih vei lăng kon pơlei dôm deh char, plei tơm pơm trong hiôk lơ̆m tơdrong xơng bơngai pơm jang, kon pơlei đơ̆ng plei tơm Hồ Chí Minh păng dôm dêh char, plei tơm găh pơbăh chôt vih tơ̆ tơring păng vei xơđơ̆ng dôm tơchơ̆t tang găn păng tơjră pơrang jĭ; Vei xơđơ̆ng tơmam drăm kăl tôm tong păng chơ pơtruh tơtom ăn plei tơm vă hơmet ăn tơdrong erih kon pơlei, ưh lê̆ đei tơdrong anih rơkăh, anih ưh kơ măh dăh mă anih ưh kơ hlot; hơlen axong tơtom, axong pơgang vaccine ăn plei tơm păng minh ƀar dêh char, plei tơm găh pơbăh vă pơm jang tơnăp tơdrong ƀet vaccine đei jơnei trŏ ƀlep hloh.

Lan chih păng pơre nơ̆r