VOV4.Bahnar - To\k bo\k rơbau dơnơm hơngo kial tơhlu phơi rơngơp groi kông Langbiang, pơlei tơm Đà Lạt, dêh char Lâm Đồng jing m^nh an^h tơmang pơ hiơ\ pơdơ\h pơdoi ‘lơ\ng hơ iă hlo\h kơ Việt nam. Kơ yuơ tơdrong ‘lơ\ng cham char jing tơdrong đei, rơvơn vă ato\k tơ iung tơmang pơ hiơ\ kơ đà Lạt – Lâm Đồng. Păng dêh char Lâm Đồng hlôi sơkơ\t hơdăh ‘nau jing an^h jang muk drăm tơm, pơjing hơyak pran ato\k tơ iung mu\k drăm – tơpôl kơ dêh char păng tơring. Mă lei, an^h jang tơmang pơ hiơ\ Dà Lạt – Lâm Đồng hrei au oei tim mă ato\k tơ iung [lep hăm tơdrong đei păng ‘lơ\ng hơ iă kơ hăp, to\k bo\k tơ jră mu\h măt hăm lơ tơdrong tơnap tap, tơdrong long kăl hrôih hơmet pơ ‘lơ\ng vă pơtru\t ato\k tơ iung tơ găl hăm tơdrong đei ‘lơ\ng lie\m kơ cham char pơjing ăn.

            Hrei au lơ\m dêh char Lâm Đồng đei lơ an^h tơmang pơ hiơ\ đe ư hơ nhang ang hơnhăk găh cham char, chăl sơnăm păng tơdrong oei sa jo\h ayo\ to\k bo\k roi pă gan ‘lơ\ng, pơm tơ jur hơvơn tơmoi tơmang pơ hiơ\ nhen: An^h tơmang pơ hiơ\ Liangbiang, chơkơi Cam Ly, dơnau Than Thở, chơkơi Prenn, chơ kơi Voi, Pongour, Hang Cọp… Tơdrong tơm pơm ăn kơ yuơ rim tơngla tơmơ\t jên jang lăp lăng tru\h anăn păng tơdrong đei kơ d^h mă ư\h kơ tơmơ\t jên jang chă ming hơmet pơ ‘lơ\ng dơ\ng. Tơ\ anăp tơdrong au, m^nh ‘nu bơngai hlôi đei bơ\ jang đunh sơnăm lơ\m an^h jang tơmang pơ hiơ\ dêh char Lâm Đồng tơtok: “Tơdrong cham char pơjing đei kơ d^h ‘lơ\ng hơ iă kơ Đà Lạt ‘no\h m^nh tơdrong tôch g^t kăl, mă lei jei đơ\ng tơdrong au pơm ăn tru\h tơdrong ư\h kơ ‘lơ\ng ‘no\h tơdrong jang tơmang pơ hiơ\ kơ Đà Lạt ư\h gan hơlen, gơnang lơ\m cham char đei kơ d^h kơna ư\h kơ tơmơ\t jên jang ming hơmet hăp. Hrei au, ro\ năng vă pơma, Đà Lạt tim mă đei trong vă jang ayơ đei lăng jing tơdrong vă jang tơm vă hơvơn đei tơmoi năm lơ. Lơ\m mă no\h, tơdrong g^t hlo\h kơ Đà Lạt ‘no\h đei cham char ‘lơ\ng vă hơvơn đei lơ tơmoi mă lei tă vei ưh kơ ke\ pơm ăn tru\h roi năr roi kơne#, pơm ăn tơmoi roi năr pă gan lăp đon”

Tơdrong bơ\ jang ư\h gan ‘lơ\ng lơ\m vei lăng rim tơdrong jang tơmang pơ hiơ\ kơ Đà Lạt – Lâm Đồng jei pơm ăn tơmoi lao đon. ‘No\h tơdrong đe te\ch mơdro tơmam drăm dui hiot tơmoi, pơ joă tơmoi mư\h tơmoi ư\h kơ ‘me\h chă răt. Đei ‘măng bơngai jang ba đe tơmang pơ hiơ\ hlôi răm khu\l kơchu te\h dong kơ yuơ pơ jăh ư\h kơ ba khu\l tơmoi răt [e\ng mư\t.

Kiơ\ đơ\ng ‘nho\ng Trần Trí Dũng, m^nh ‘nu bơngai bơ\ jang ba tơmoi tơmang pơ hiơ\ - bơngai hlôi răm khu\l te\ch mơdro mư\t tơ\ Đà Lạt te\h kơ yuơ ư\h kơ ba tơmoi năm răt, tơdăh tơdrong au ư\h hơmet pơ ‘lơ\ng lei bơngai bu vă pơ\n năm tơ\ đà lạt pơdơ\h pơdei dơ\ng: “Tơdăh ư\h hơmet pơ ‘lơ\ng tơdrong au lei ư\h kơ jor ning mônh kơnh gô đei lơ hlo\h dơ\ng. ‘Nau ư\h khan ‘măng blu\ng, ‘măng mă [ar ôh mă lei tơdrong mă au hlôi đei đơ\ng lơ sơnăm bơih, ư\h khan m^nh sơnăm, [ar sơnăm đe\ch ôh. Hrei au ‘nho\h o\h bơ\ jang ba tơmoi tơmang pơ hiơ\ lơ\m te\h đak tôch tăr văr mư\h năm tơ\ au. Kơ yuơ đe sư hli đe te\h mư\h năm tơ\ au, đe hăp hli po bơngai mă [ar, mă pêng răm khu\l kơchu te\h dong”

Atu\m hăm tơdrong chă dui hyot tơmoi răt tơmam drăm ‘no\h Đà Lạt oei đei dơ\ng tơdrong te\ch mơdro măt, kơchu. Tơmoi tơmang pơ hiơ\ gô j^ yol dang yơ ư\h kơ tom băt hloi. Nhen tơdrong bơngai dro\ kăn tơmoi pơlei tơ\ Kiên Giang răm bơngai te\ch mơdro tơmam drăm Đà Lạt te\h măh tru\h lôch mol lơ\m kơchơ hloi kơ yuơ ư\h kơ chu răt kiơ\ kơ jă te\ch măt hlôi pơm kơne# tru\h jơhngơ\m đon tơmoi.

Mă đơ\ng tơdrong au lăp đei [ơ\t au [ơ\t to păng hlôi đei an^h bơ\ jang tơring vang găn ga, xek tơlang tơtom, mă lei jei pơm kơne# tru\h tơdrong ư\h kơ ‘lơ\ng, pơm ăn Đà Lạt – m^nh pơlei tơm đei chă ư\ akhan ‘lơ\ng ro\, hơbo\ nhen, phăl hơlăng mă lei tă đei tơdrong kơ ne# lơ lau.

            Kiơ\ đơ\ng [ok Trần Xuân Đức, m^nh ‘nu bơngai jang tơmang pơ hiơ\ tơ\ Lâm Đồng akhan, tơdăh an^h bơ\ jang kơpal tơring ư\h hơmet pơ ‘lơ\ng keh kong lei an^h jang tơmang pơ hiơ\ Đà Lạt – Lâm Đồng gô pơm tơhiong kơ d^h tơdrong ‘lơ\ng po: “Tôch chhur nuih, bơngai tơmoi tơmang pơ hiơ\ lăng akhan Đà Lạt dang ei đei yă kiơ vă chă tơmang lăng dơ\ng. Kiơ\ kơ ^nh, tơdăh an^h bơ\ jang kơpal kơ tơring ư\h kơ đei trong xek tơlang kơ hret, hơmet pơ ‘lơ\ng keh kong lei gô pơm ăn tru\h tơdrong kơne# păng roi năr đe roi pă ‘me\h vă năm tơmang pơ hiơ\ tơ\ Đà Lạt dơ\ng bơih”.

Tơ\ anăp tơdrong tơpă au, [ok Trần Đức Quận, Kơ ie\ng Kơdră che\p pơgơ\r Đảng dêh char Lâm Đồng akhan, tơdăh ư\h ato\k kơtang khu\l bơ\ jang gak vei lăng vă xek tơlang, lei tơdrong tơmang pơ hiơ\ Đà Lạt gô đei răm kơtang hlo\h:“ ‘Nau j^ m^nh tơdrong tôch j^ đon tơpă mơ\n, lơ\m mă khu\l bơ\ jang hrei au tă kơ [a\h kơ [ôch dơ\ng. Kơ yuơ lơ lo\h ap^nh Ko\ng ang dêh char chă tơche\ng hơlen lăng, pơm lơ liơ ăn khu\l ko\ng ang bơ\ jang vei lăng mă lơ hlo\h [iơ\. Tơdăh bơ\n jang ư\h kơ ‘lơ\ng tơdrong au lei hăp pơm kơne# kơtang tru\h tơdrong tơmang pơ hiơ\ hloi”.

Bơngai ch^h: Quang Sáng

Tơblơ\ nơ\r: Amazưt